"სიყვარული მშვენიერია" - ავსტრალიის პრემიერი დაინიშნა: ის არის ქვეყნის პირველი ლიდერი, რომელმაც ეს თანამდებობაზე ყოფნისას გააკეთა
ავსტრალიის პრემიერ-მინისტრი ენტონი ალბანესი დაინიშნა - მისი რჩეული 40 წლის ჯოდი ჰეიდონია. წყვილი ერთმანეთს 4 წელია ხვდება.
"გვიხარია, რომ ჩვენ ამბავს გიზიარებთ. გვინდა დარჩენილი ცხოვრება ერთად გავატაროთ. ძალიან გაგვიმართლა, რომ ერთმანეთი ვიპოვეთ", - ნათქვამია წყვილის ერთობლივ განცხადებაში.
ალბანესი პირველი ავსტრალიელი ლიდერია, რომელიც თანამდებობაზე ყოფნისას დაინიშნა.
წყვილს ბედნიერებას უსურვებენ კოლეგები, მათ შორის, ახალი ზელანდიის ლიდერი კრისტოფერ ლუქსონი და სხვა პოლიტიკური ლიდერები - "სიყვარული მშვენიერი რამაა, ძალიან მიხარია!" - დაწერა საგარეო საქმეთა მინისტრმა პენი ვონგმა.
წყვილმა ერთმანეთი 2020 წელს გაიცნო. ალბანესის პირველი მეუღლე სამხრეთ უელსის ყოფილი ვიცე-პრემიერი კარმელ ტებუტი იყო, რომელთანაც 23 წლის ვაჟი ჰყავს.
