73 წლის მამაკაცმა ატლანტის ოკეანის შეჯიბრში მიიღო მონაწილეობა, თუმცა ფინიშის ხაზამდე ჩაეძინა
73 წლის ფრენკ როტველი ყველაზე ხანდაზმული ადამიანი გახდა, ვინც ატლანტის ოკეანეში 3300 მილი მარტომ გაიარა. როტლველი თავისი ნავით, სახელად For A Cure, კანარის კუნძულებიდან 12 დეკემბერს გაემგზავრა, დანიშნულების ადგილი ანტიგუა იყო - მას ამ მანძილის დასაფარად 64 დღე, შვიდი საათი და 53 წუთი დასჭირდა.
სანამ ფინიშის ხაზს მიუახლოვდებოდა, როტველის ნავი კურსიდან გადავიდა. ოჯახის წევრები ფიქრობდნენ, რომ მოხუცს გზაში ჯანმრთელობის პრობლემები შეექმნა, თუმცა, როგორც აღმოჩნდა, მხოლოდ ჩაეძინა. გამოღვიძების შემდეგ ფინიშის ხაზი გადალახა და რეკორდი დაამყარა.
- როგორც ფრენკმა ჟურნალისტებთან საუბრისას აღნიშნა, იმედოვნებდა, რომ ანტიგუაში 14 თებერვალს ჩავიდოდა და ვალენტინობის დღეს მეუღლესთან ერთად გაატარებდა.
აღსანიშნავია, რომ როტველმა შეჯიბრში მონაწილეობა საქველმოქმედო ფონდის Alzheimer's Research UK-ისთვის ფულის შესაგროვებლად გადაწყვიტა. მან ამ დრომდე 270,000 ფუნტზე მეტის შეგროვება მოახერხა.