ვინ არის FBI-ის ყოფილი ინფორმატორი, რომელსაც ბაიდენების შესახებ ცრუ ჩვენების მიცემას ედავებიან - მას მაღალი დონის კავშირები აქვს რუსეთის დაზვერვასთან
აშშ-ის პროკურორების განცხადებით, FBI-ს ყოფილ ინფორმატორს, რომელსაც ბრალი ედება პრეზიდენტ ჯო ბაიდენსა და მის შვილ ჰანტერზე ტყუილის გავრცელებაში, აქვს მაღალი დონის კავშირები რუსეთის დაზვერვასთან.
- 43 წლის ალექსანდრე სმირნოვის წინააღმდეგ ბრალდებები იუსტიციის დეპარტამენტის ახალ საქმეშია ასახული.
გამოძიების ინფორმაციით, სმირნოვმა მოიტყუა, როცა თქვა, რომ უკრაინულმა ენერგეტიკულმა ფირმამ ბაიდენებს ქრთამი მისცა.
გასულ კვირას მას ბრალი წაუყენეს FBI-თვის ცრუ ჩვენების მიცემის გამო. სმირნოვის განცხადებები გახდა რესპუბლიკელებში პრეზიდენტ ბაიდენის იმპიჩმენტზე საუბრის დაწყების საფუძველი.
- ის დააკავეს ლას ვეგასში, ნევადაში. მოსამართლე დენიელ ალბრეგტსმა პატიმრობიდან გაათავისუფლა, თუმცა GPS მაკონტროლებელი დაუყენეს და ქალაქიდან გასვლა აეკრძალა.
სმირნოვმა ჟურნალისტებთან კომენტარი არ გააკეთა.
პროკურორების მტკიცებით, სმირნოვი მოტივირებული იყო პრეზიდენტ ბაიდენის მიმართ ზიზღით. ბრალის დამტკიცების შემთხვევაში, მას მაქსიმუმ 25 წლით თავისუფლების აღკვეთა ემუქრება.