მექსიკის ყველაზე საშიში ვულკანი ამოიფრქვა - ფერფლმა მეხიკომდე მიაღწია, საფრთხის დონე იზრდება...
მექსიკაში ყველაზე აქტიური ვულკანი პოპოკატეპეტლი ( ესპ. Popocatepetl - მბოლავი მთა) ამოიფრქვა. კრატერიდან ამოსულმა კვამლმა 3 კილომეტრზე მეტი სიმაღლის სვეტი წარმოქმნა. სამოქალაქო დაცვის ეროვნული კოორდინაციის ცნობით, ფერფლმა მეხიკომდე და მის მიმდებარე რეგიონებამდე მიაღწია.
მექსიკის კატასტროფების პრევენციის ეროვნული ცენტრის განაცხადებით, ვულკანური საფრთხის დონე იზრდება, რაც პრევენციულ ზომების მიღებას მოითხოვს. შესაბამისად, რამდენიმე ავიაკომპანიამ ფრენები გააუქმა.
ვულკანიდან 60 მილის (96 კილომეტრის) რადიუსში დაახლოებით 25 მილიონი ადამიანი ცხოვრობს, თუმცა სამოქალაქო დაცვის ორგანოს თქმით, ამჟამად არ არსებობს "რისკი მოსახლეობისთვის“.
- ვულკანი პოპოკატეპეტლი ცენტრალურ მექსიკის სამხრეთში, მორლოსის, პუებლასა და მექსიკის შტატებს შორის მდებარეობს. 2019 წელს იგი ერთ ღამეში 14-ჯერ ამოიფრქვა. გასული წლის მაისში კრატერიდან ამოსული კვამლის გამო მეხიკოს აეროპორტმა ასობით ფრენა გააუქმა.