ხვიჩას 2 ულამაზესი გოლი და ერთი პასი - კვარაცხელიას დაბრუნება: "ნაპოლიმ" "სასუელო" გაანადგურა
სერია A-ს 26-ე ტურში "ნაპოლი" სტუმრად "სასუელოს" შეხვდა და გამანადგურებული ანგარიშით 1:6 გაიმარჯვა.
ნეაპოლური გუნდი მწვრთნელმა ფრანჩესკო კალცონამ შემდეგი შემადგენლობით გაიყვანა მოედანზე:
- მერეტი, დი ლორენცო, ესტეგორი, რაჰმანი, მარიო რუი, ანგისა, ლობოტკა, ტრაორე, პოლიტანო, კვარაცხელია, ოსიმენი.
პორველი ტაიმი "ნაპოლის" აქტიურობით დაიწყო და პირველ წუთებში დიდი უპირატესობაც მოიპოვა, თუმცა ანგარიში მე-17 წუთზე "სასუელომ" რაჩიჩის გოლით გახსნა.
ამის შემდეგ ნეაპოლელთა უპირატესობა სულ უფრო და უფრო მზარდი იყო, შედეგად ანგარიში 29-ე წუთზე გათანაბრდა. საჯარიმოში ბურთის ჩაწოდების შემდეგ ზამბო ანგისამ ქუსლით ლამაზი პასი მიაწოდა ამირ რაჰმანს, მანაც ბურთი მეტოქის კარში გაუშვა.
31-ე წუთზე ანგარიში 1:2 გახდა, ამჯერად პოლიტანოს პასის შემდეგ გოლი ოსიმენმა მიიწერა.
42-ე წუთზე ნიგერიელმა კიდევ ერთი ბურთი გაიტანა და ანგარიში 1:3 გახდა. ხვიჩა კვარაცხელია საკმაოდ ნორმალურად ირჯებოდა, საკმაოდ აქტიურად უტევდა და ანგარიშის გაზრდის შანსიც ჰქონდა, მისი მწვავე დარტყმის მოგერიება მკარემ შეძლო.
ხვიჩამ გოლის შეგდება უკვე მეორე ტაიმში შეძლო - 51-ე წუთზე გაუტანა "სასუელოს", თუმცა მანამდე, 47-ე წუთზე ოსიმენმა "კვარას" პასით მესამე გოლი მიითვალა. შეიძლება ითქვას, რომ მეორე ტაიმში ჩვენებურმა თავისი თამაში იპოვა და 75-ე წუთზე კიდევ ერთი ულამაზესი გოლი შეაგდო მეტოქის კარში. 1:6 - ამ ანგარიშით დაამარცხეს ნეაპოლელებმა მეტოქე გასვლაზე.
იხილეთ ასევე;