რას ნიშნავს ორგანული კარაქი და რით განსხვავდება ის ტრადიციულისგან? - ყველაფერი, რაც უნდა იცოდეთ

ტერმინი “ორგანული” საერთაშორისო რეგულაციებით განსაზღვრული ცნებაა და ის სოფლის მეურნეობასა და საკვების წარმოების პროცესში გარკვეულ სტანდარტებს მოიცავს. „ორგანული“, „ბიო“ და „ეკო“ სინონიმებია და ეკოლოგიურად სუფთა პროდუქტს ნიშნავს. ორგანული პროდუქტის მიღება გულისხმობს პროცესს, რომელშიც არ არის ჩართული შხამ-ქიმიკატები, ჯანმრთელობისათვის მავნე კონსერვანტები, ნიტრატები, პესტიციდები, გენმოდიფიცირებული ინგრედიენტები, ზრდის ჰორმონები, ხოლო პროდუქტის ტრანსპორტირება და რეალიზაცია ხორციელდება განსაკუთრებული სიფრთხილით, ჯანმრთელობისათვის უსაფრთხო შეფუთვით.

თუმცა აქვე უნდა გაითვალისწინოთ ერთი მნიშვნელოვანი საკითხიც. ნატურალურობა არ ნიშნავს ორგანულობას. მაგალითად, თუ თქვენ ფიქრობთ რომ ძროხის რძისგან დამზადებულ კარაქს მიირთმევთ და ის ორგანულია, ცდებით. ის შეიძლება იყოს ნატურალური, მაგრამ არა – ორგანული.

ორგანული საკვების წარმოება რამდენიმე მიმართულებით არის მნიშვნელოვანი. პირველ რიგში, ვისაუბროთ მის სარგებლიანობაზე. ორგანულ საკვებს გაცილებით მეტი სასარგებლო ნუტრიენტი აქვს ვიდრე არაორგანულს, მეტ ანტიოქსიდანტს შეიცავს. თუმცა აქვე არ უნდა დაგვავიწყდეს ორგანული წარმოების მეორე უდიდესი უპირატესობა. ეს პროცესი გაცილებით ნაკლებ ზიანს აყენებს გარემოს, გამომდინარე იქიდან, რომ წარმოებაში არ ხდება ქიმიური დანამატების გამოყენება. ეს ყველაფერი კი დღეს, როდესაც გარემოს დაბინძურება ძალიან მაღალია, საკმაოდ მნიშვნელოვანია. ამ პროცესს პასუხისმგებლობიანი წარმოება ეწოდება.

წარმოების საკმაოდ რთული პროცესიდან გამომდინარე ორგანული პროდუქცია სხვა ანალოგებთან შედარებით, ძვირია. თუმცა მისი გამოყენება დღეს მომხმარებლების გააზრებული, გონივრული არჩევანია. სუპერმარკეტებში ორგანულ პროდუქციას ცალკე დახლიც კი აქვს ხოლმე გამოყოფილი. ორგანულ პროდუქციაზე საუბრის დროს, საზოგადოების დიდ ნაწილს „ლურპაკის“ ორგანული კარაქი ახსენდება. ის სრულად აკმაყოფილებს ორგანული პროდუქტის კრიტერიუმებს. ეს საკითხი დეტალურად განვიხილოთ.

• ძროხები, რომლისგანაც მიღებული რძით მზადდება „ლურპაკის“ ორგანული კარაქი, იკვებება მხოლოდ არაგენმოდიფიცირებული, ჰორმონებისგან თავისუფალი საკვებით. ეს ყველაფერი მკაცრად კონტროლდება იმისთვის, რომ პროდუქტმა მიიღოს ორგანულობის დამადასტურებელი დოკუმენტი და ნიშანი. არაორგანული რძის ნაწარმის მიღებისას კი არ ვართ დაზღვეულნი იმისგან, რომ ძროხას ზრდის დამაჩქარებელი ჰორმონები თუ გენმოდიფიცირებული საკვები არ აქვს მიღებული.

• ფერმებში ძროხების დაავადებების მკურნალობა ხდება ტრადიციული/ბუნებრივი მეთოდებით, არ ხორციელდება ზედმეტი მედიკამენტოზური ჩარევა. უმთავრესი კი სანიტარული ნორმების დაცვა, რითაც ხდება სხვადასხვა დაავადების წარმოქმნისა თუ გართულების ეფექტური პრევენცია და ჯანსაღი კვებაა, რაც აუცილებელი პირობაა ხარისხიანი ორგანული რძის მისაღებად. არაორგანულ/სტანდარტულ წარმოებებში ხშირ შემთხვევაში სხვადასხვა დაავადებას ანტიბიოტიკების საშუალებით ებრძვიან, რაც პირდაპირ უარყოფით გავლენას ახდენს რძის ხარისხზე.

• ორგანულ წარმოებებში ხარისხიანი პროდუქტის მისაღებად მთავარი პირობაა, რომ ძროხებმა დიდი დრო გაატარონ ღია ცის ქვეშ, რაც ბუნებრივად აუმჯობესებს როგორც რძის ხარისხს, ასევე მის ცხიმიანობას თუ გემოს. სხვა შემთხვევაში უპირატესობას დახურულ ფერმებს ანიჭებენ, რადგან ამ შემთხვევაში გაცილებით იაფია მათი შენახვა. ორგანული ფერმების მდებარეობა განსაკუთრებული ყურადღებით არის შერჩეული, რომ ახლომდებარე ტერიტორიაზე არ იყოს ინდუსტრიული ზონა და ეკოლოგიური მდგომარეობა იყოს საუკეთესო.

ახლა კი „ლურპაკის“ ორგანული კარაქის სარგებლიანობაც განვიხილოთ:

გემო

ორგანულ საძოვრებზე გაზრდილი ძროხების რძისგან დამზადებული კარაქი გამოირჩევა სპეციფიკური, მდიდარი გემოთი, რაც მისი ხარისხის დასტურია. ეს კი მას იდეალურს ხდის როგორც უბრალოდ პურზე გადასასმელად, ისე კულინარიაში გამოსაყენებლად.

შემადგენლობა

ორგანული კარაქის შემადგენლობაში შედის ვიტამინები A, E და K2, ისევე როგორც სასარგებლო ცხიმოვანი მჟავები, ომეგა 3. ეს საკვები ნივთიერებები დიდ როლს ასრულებენ ზოგადი ჯანმრთელობის შენარჩუნებაში, მათ შორის, აუმჯობესებენ მხედველობას, აძლიერებენ იმუნურ სისტემას, ხელს უწყობენ ცხიმში ხსნადი ვიტამინების ათვისებას. ომეგა 3 კი ცნობილია, როგორც ანთების საწინააღმდეგო საშუალება.

სიჯანსაღე

თუ თქვენ ცდილობთ ჯანსაღად იკვებოთ, მაშინ ორგანული კარაქი თქვენთვისაა. მიუხედავად იმისა, რომ ის ცხიმია, შეგიძლიათ ყოველდღიურად მიირთვათ და მშვიდად იყოთ, რომ თქვენს ორგანიზმს ზიანს არ აყენებთ.

„ლურპაკის“ ორგანული თუ სხვა ტიპის კარაქის ყიდვა შესაძლებელია როგორც „ევროპროდუქტის“, ისე სხვა ქსელურ მარკეტებში.

R