უკრაინელებმა რუსეთის შავი ზღვის ფლოტის კიდევ ერთი საპატრულო გემი გაისტუმრეს ფსკერისკენ - წუხანდელი თავდასხმის შემდეგ ყირიმის ხიდი გადაკეტილია
ოკუპანტი რუსეთის შავი ზღვის ფლოტი აგრძელებს ჩაძირვას. ვრცელდება ინფორმაცია, რომ დრონებით თავდასხმის შედეგად ამჯერად საპატრულო გემი "სერგეი კოტოვი“ ჩაიძირა. დროებით ოკუპირებულ ყირიმში ე.წ. ხელისუფლებამ ყირიმის ხიდზე მოძრაობა გადაკეტა. რუსული "ტელეგრამარხები" წერენ, რომ ქერჩის მცხოვრებლებმა ღამით აფეთქებების ხმები გაიგონეს.
გავრცელებული ინფორმაციით, ღამით ყირიმზე დრონებითა და რაკეტებით თავდასხმა მოხდა და თავდასხმის ერთ-ერთი სამიზნე, სავარაუდოდ, ყირიმის ხიდი იყო.
"უნიანი" ავრცელებს ვიდეოს და წერს, რომ საოკუპაციო რეჟიმის გემს უკრაინის სამხედრო-საზღვაო ძალების დრონებმა ფეოდოსიაში (ყირიმი) დაარტყეს. ინტერნეტში გამოქვეყნებულ კადრებში სროლის ხმა ისმის. როგორც ჩანს, რუსებმა სცადეს საზღვაო დრონების განადგურება, მაგრამ მათ მოახერხეს დასახული მიზნის მიღწევა.
ვიდეოს ბოლოს ისმის, როგორ ეჯახება საპატრულო გემს დრონი. ისმის ძლიერი აფეთქება და გემი ცეცხლშია შთანთქმული.
გამოცემა "უკრაინსკაია პრავდას“ ცნობით, თავდაცვის სამინისტროს მთავარ სადაზვერვო სამმართველოში წყარომ დაუდასტურა, რომ 5 მარტის ღამეს უკრაინული დრონებით თავდასხმის შედეგად "სერგეი კოტოვი" ჩაიძირა.
იხილეთ ასევე: