პაულო კოელიო: "ირანში ჩემი წიგნები აკრძალეს"

ცნობილმა ბრაზილიელმა მწერალმა პაულო კოელიომ განაცხადა, რომ მისი წიგნები ირანში აკრძალეს.

მსოფლიოში ერთ-ერთი ყველაზე პოპულარული თანამედროვე მწერალი პაულო კოელიო ამბობს, რომ აკრძალვის მიზეზები მისთვის უცნობია. ბოლო 12 წლის მანძილზე ირანში მისი 6 მლნ წიგნი გაიყიდა. 

"ვიმედოვნებ, რომ ეს გაუგებრობა ერთ კვირაში დასრულდება. მე ბრაზილიის ხელისუფლების მხარდაჭერის იმედი მაქვს", - დაწერა კოელიომ თავის ბლოგზე. 

კოელიომ ასევე აღნიშნა, რომ შესაძლოა, სპარსულ ენაზე ნათარგმნი მისი წიგნები ინტერნეტში უფასოდ გამოქვეყნდეს.

კოელიოს "ალქიმიკოსი" ბესტ-სელერია.  მსოფლიოს 150 ქვეყანაში ამ დრომდე კოელიოს 300 მლნ წიგნია გაყიდული.

მომზადებულია bbc.co.uk-ის მიხედვით.