შვედეთი ოფიციალურად გახდა ნატო-ს 32-ე წევრი
შვედეთი ოფიციალურად გახდა ნატო-ს 32-ე წევრი. ამის შესახებ განცხადებას აშშ-ის სახელმწიფო დეპარტამენტი ავრცელებს.
- თითქმის ორწლიანი მოლაპარაკებების შემდეგ შვედეთის ჩრდილოატლანტიკურ ალიანსში გაწევრიანების შესახებ პროტოკოლი ძალაში დღეს, 7 მარტს შევიდა.
ამგვარად, შვედეთის ნატოში გაწევრიანების გზაზე ყველა საკვანძო ეტაპი გავლილია.
ინფორმაციისთვის, ფინეთმა და შვედეთმა ნატო-ში გაწევრიანებაზე განაცხადი უკრაინაში რუსეთის სრულმასშტაბიანი ომის დაწყების შემდეგ, 2022 წლის მარტში გააკეთეს. ფინეთი ალიანსში 2023 წლის მარტში გაწევრიანდა, შვედეთის გაწევრიანება კი თურქეთის და უნგრეთის წინააღმდეგობის ფონზე ფერხდებოდა.
რას წერს "ტვიტერზე: ნატოს გენერალური მდივანი იენს სტოლტენბერგი?
'ეს ოფიციალურია - შვედეთი ახლა უკვე ნატოს 32-ე წევრია და ჩვენს მაგიდაზე თავის კანონიერ ადგილს იკავებს. შვედეთის გაწევრიანება ნატოს უფრო ძლიერს, შვედეთს უფრო უსაფრთხოს და მთლიან ალიანსს უფრო დაცულს ხდის. ველი ორშაბათს მათი დროშის ნატოს შტაბ-ბინაში აღმართვას" - წერს სტოლტენბერგი.