პირდაპირი მოლაპარაკებები ოკუპირებული აფხაზეთის მარიონეტული რეჟიმის წარმომადგენლებთან? - რას ამბობენ გავრცელებულ ინფორმაციაზე აფხაზეთში?
ოკუპირებული აფხაზეთის ე.წ. შინაგან საქმეთა მინისტრი რობერტ კიუტი რკინიგზის აღდგენასთან დაკავშირებულ საკითხებზე თბილისთან მოლაპარაკებების შესახებ ინფორმაციას უარყოფს.
- მანამდე ქართულმა ოპოზიციურმა პარტიამ "დროამ“ განაცხადა, რომ საქართველოს პარლამენტის პირველმა ვიცე-სპიკერმა, მმართველი პარტია "ქართული ოცნების“ ერთ-ერთმა ლიდერმა გია ვოლსკიმ ბიზნესმენ დავით ხიდაშელთან განიხილა აფხაზეთის რკინიგზის აღდგენისა და თბილისთან ურთიერთობის თემა.
"დავით ხიდაშელი პირდაპირ ესაუბრება აფხაზეთის მარიონეტული რეჟიმის წარმომადგენლებს და მათი პოზიცია საქართველოს პარლამენტის პირველ ვიცე-სპიკერს, გია ვოლსკის აცნობა. ხიდაშელი ახსენებს მარიონეტული რეჟიმის შინაგან საქმეთა მინისტრს, უშიშროების სამსახურის ყოფილ უფროსს“, - აცხადებენ "დროაში“.
შეგახსენებთ, რომ შსს-ის ხელმძღვანელი რობერტ კიუტი აფხაზეთის სახელმწიფო უსაფრთხოების სამსახურის ყოფილი უფროსია.
"ეს ხიდაშელი არასდროს მინახავს და ვოლსკის მხოლოდ მედიიდან ვიცნობ“, - თქვა კიუტიმ "ნუჟნაია გაზეტასთან.
მან ინფორმაციას "აბსურდული" უწოდა და აღნიშნა, რომ რკინის აღდგენასთან დაკავშირებული საკითხები მის კომპეტენციაში არ შედის.
პირდაპირი მოლაპარაკებები ოკუპირებული აფხაზეთის მარიონეტული რეჟიმის წარმომადგენლებთან? - რას ამბობენ გავრცელებულ ინფორმაციაზე აფხაზეთში?