არქეოლოგებმა "მსოფლიოს უძველესი პური" აღმოაჩინეს, რომელიც 8600 წლის წინანდელია

თურქეთში არქეოლოგებმა მსოფლიოში უძველესი პური აღმოაჩინეს, რომელიც ჩვენს წელთაღრიცხვამდე 6600 წლით თარიღდება.

თურქეთის ნეჯმეტტინ ერბაქანის უნივერსიტეტის მეცნიერებისა და ტექნოლოგიების კვლევისა და აპლიკაციის ცენტრის თანახმად, დიდწილად განადგურებული ღუმელის სტრუქტურა აღმოაჩინეს უბანში, სახელწოდებით „Mekan 66“. ღუმელის ირგვლივ ნაპოვნია ხორბალი, ქერი და ბარდის მარცვლები.

ანალიზმა დაადგინა, რომ ორგანული ნარჩენი იყო 8600 წლის წინანდელი, დაუმუშავებელი, ფერმენტირებული პური.

"ეს არის პურის პატარა ვერსია, დღემდე შემორჩენილია შიგნით სახამებელი. მსგავსი მაგალითი დღემდე არ არსებობს. ელექტრონული მიკროსკოპის სკანირებულმა სურათებმა აჩვენა ნიმუშში ჰაერის სივრცეები, როგორც ჩანს, პური მოამზადეს და ცოტა ხნით შეინახეს", - განაცხადა ბიოლოგმა სალიჰ კავაკმა, თურქეთის გაზიანტეპის უნივერსიტეტის ლექტორმა.

"შეიძლება ვთქვათ, რომ ჩატალჰოიუკის ეს აღმოჩენა არის უძველესი პური მსოფლიოში“, - განუცხადა თურქეთის სახელმწიფო საინფორმაციო გამოშვებას Anadolu Agency-ს არქეოლოგმა ალი უმუთ თურქჯანმა.

კარგად შემონახულ ობიექტზე ჩატარებულმა კვლევამ ასევე გამოავლინა საცხოვრებლის გამორჩეული განლაგება და ფართო მახასიათებლები, როგორიცაა კედლის მხატვრობა და რელიეფები - რის გამოც იგი მიჩნეულია "ყველაზე მნიშვნელოვან ადამიანთა დასახლებად, რომელიც ადასტურებს ნეოლითური საზოგადოების სოფლის მეურნეობის ცხოვრებას", - ნათქვამია იუნესკოს ვებსაიტზე. წყარო