"თურქეთი "ჰამასის" ლიდერებთან ღიად საუბრობს და მათ მხარს უჭერს" - ერდოღანი
თურქეთი „ჰამასის“ ლიდერებთან ღიად საუბრობს და მათ მხარს უჭერს, - ამის შესახებ თურქეთის პრეზიდენტმა, რეჯეფ თაიფ ერდოღანმა განაცხადა.
"თურქეთი არის ქვეყანა, რომელიც „ჰამასის“ ლიდერებთან ღიად საუბრობს და მათ მხარს მტკიცედ უჭერს“, - განაცხადა რეჯეფ თაიფ ერდოღანმა. სტამბოლში სიტყვით გამოსვლისას ერდოღანმა აღნიშნა, რომ თურქეთს „ჰამასის“ ტერორისტულ ორგანიზაციად აღიარებას ვერავინ აიძულებს და ისრაელის პრემიერ-მინისტრი, ბენიამინ ნეთანიაჰუ ჰიტლერს, მუსოლინისა და სტალინს შეადარა.
"ნეთანიაჰუ და მისი ადმინისტრაცია, ღაზაში კაცობრიობის წინააღმდეგ ჩადენილი დანაშაულებით, როგორც თანამედროვე ნაცისტები, თავიანთ სახელებს ჰიტლერის, მუსოლინისა და სტალინის გვერდით წერენ“, - აღნიშნა თურქეთის პრეზიდენტმა.