ვაკეში დაწყებული კიდევ ერთი მშენებლობის გამო, პროტესტის ნიშნად, მოსახლეობამ დღეს გზა გადაკეტა
ვაკეში, ჭავჭავაძის გამზირის 82 ნომრის მიმდებარედ დაწყებულ მშენებლობას მოსახლეობა აპროტესტებს, რის გამოც მათ დღეს დილით საავტომობილო გზა გადაკეტეს.
ადგილზე მობილიზებული იყო საპატრულო პოლიცია. სამართალდამცველებსა და აქციის მონაწილეებს შორის იყო მცირე შეხლა-შემოხლა.
პოლიციელები მათ გაყვანას და გზის გათავისუფლებას ცდილობდნენ.
მოსახლეობის თქმით, მშენებლობის გამო გზას აღარ აქვს საჭირო გამტარიანობა. ამ დროისთვის ადგილზე სიმშვიდეა.