რთული რამადანი: ისრაელი და პალესტინა იერუსალიმში შესაძლო ესკალაციისთვის ემზადებიან - რაზე ისაუბრეს CIA-სა და მოსადის ხელმძღვანელებმა და რას უნდა ველოდოთ?

ღაზაში მიმდინარე სამხედრო დაპირისპირების ფონზე, ისრაელი და პალესტინა დაძაბული კვირისთვის ემზადებიან - ამის შესახებ BBC წერს.

მუსლიმანური სამყაროსთვის დღეს, 11 მარტს რამადანი იწყება. მუსლიმთა წმინდა თვის დაწყებამდე საომარი მოქმედებების შეწყვეტა ბოლო დრომდე შესაძლებელი ჩანდა - ისრაელი და "ჰამასი" შუამავლების მეშვეობით აწარმოებდნენ მოლაპარაკებებს კაიროში, დეესკალაციისა და ტყვეების გაცვლის შესახებ, თუმცა მოლაპარაკებები უშედეგოდ დასრულდა.

ისრაელის ხელისუფლება აკონტროლებს კომპლექსს იერუსალიმის ძველ ქალაქში, რომელიც მუსლიმებისთვის ცნობილია, როგორც ალ-ჰარამ ალ-შარიფი. ასობით ათასი მუსლიმი ცდილობს მიაღწიოს ალ-აქსას მეჩეთს - ისლამის მესამე უწმინდეს ადგილს მექასა და მედინის შემდეგ, რომლებიც მხოლოდ რამადანის დროს აღევლინება. ალ-აქსას მეჩეთის გვერდით არის დასავლეთის კედელი, ებრაელებისთვის ყველაზე წმინდა ადგილი.

• ისრაელი იერუსალიმში უსაფრთხოების ზომებს აძლიერებს. ათასობით პოლიციელია განლაგებული ძველ ქალაქში, სადაც ყოველდღიურად ათიათასობით მლოცველი ალ-აქსას მეჩეთს სტუმრობს.

"რამადანი წელს პალესტინელი ხალხისთვის რთული იქნება. ისინი განიცდიან ტრაგედიას, მკვლელობას, ომს კაცობრიობის წინააღმდეგ, გენოციდს... ამიტომ, ჰებრონის მუნიციპალიტეტში გადავწყვიტეთ რამადანის აღნიშვნა მხოლოდ რელიგიური რიტუალებით, ყოველგვარი ზეიმისა და ქუჩის დეკორაციების გარეშე“, - თქვა აბუ სნეინმა, ქალაქ ჰებრონის მერმა, რომელიც მდებარეობს სამხრეთ იერუსალიმიდან 30 კილომეტრში.

ისრაელმა შაბათს განაცხადა, რომ CIA-ს დირექტორი ბილ ბერნსი პარასკევს შეხვდა ისრაელის მოსადის დირექტორს დევიდ ბარნეას იორდანიაში, რათა განეხილათ ღაზაში მძევლების გათავისუფლების შეთანხმების მიღწევის მცდელობები.

"ჰამასი ცდილობს რამადანის პერიოდში ცეცხლის გახსნას. ჰამასი უარს ამბობს დათმობებზე წასვლაზე და ცხადყოფს, რომ არ არის დაინტერესებული შეთანხმებით“, - ნათქვამია მოსადის განცხადებაში.