მაღალი სიჩქარე, ორმხრივი შეტევები, დინამიკური თამაში და რიგ შემთხვევებში ქაოსიც - კვარაცხელიას "ნაპოლი" პირველი ტაიმის შემდეგ "ბარსელონასთან" აგებს, თუმცა ჯერ ყველაფერი წინაა
ჩემპიონთა ლიგის მერვედფინალური ტურის განმეორებით მატჩში "ნაპოლი" სტუმრად "ბარსელონას" ეთამაშება და პირველი ტაიმის შემდეგ აგებს ანგარიშით 2:1.
გუნდები ასეთი შემადგენლობებით გავიდნენ მოედანზე:
ბარსელონა: ტერ შტეგენი, კუნდე, არაუხო, კუბარსი, კანსელო, კრისტენსენი, ფერმინი, გიუნდოგანი, რაფინია, იამალი, ლევანდოვსკი.
ნაპოლი: მერეტი, დი ლორენცო, რაჰმანი, ჟუან ჟეზუსი, მარიო რუი, ანგისა, ლობოტკა, ტრაორე, პოლიტანო, კვარაცხელია, ოსიმენი.
მატჩი ორმხრივი შეტევებით დაიწყო, თუმცა მასპინძლების თამაში სულ უფრო მწვავე ხდებოდა, რაც მალე შედეგშიც აისახა. მე-15 წუთზე ჯერ "ბარსას" 20 წლის ფერმინ ლოპესმა აიღო მერეტის კარი, მე-17 წუთზე კი ჟოაო კანსელომ.
როგორც მოსალოდნელი იყო, ამის შემდეგ "ნაპოლი" შეტევაში კიდევ უფრო გააქტიურდა, რასაც 30-ე წუთზე მორიგი სწრაფი შეტევა, პოლიტანოს ზუსტი პასის შემდეგ ნეაპოლელთა ცენტრალურმა მცველმა ამირ რაჰმანიმ გოლით დააგვირგვინა.
მალევე დი ლორეცოს თავური დარტყმა "ბარსას" გოლკიპერმა სასწაულად მოიგერია. კუთხური პოლიტანომ დაარტყა, რის მერეც შანსი ჩვენებურსაც მიეცა, თუმცა კვარაცხელიამ კარისკენ არასწორად დაარტყა. "ნაპოლი" კვლავაც თავგამოდებით უტევდა, თუმცა პირველ ტაიმში ანგარიში აღარ შეცვლილა.
შეგახსენებთ, მერვედფინალური ტურის პირველ მატჩი ნეაპოლში ფრედ, ანგარიშით 1:1 დასრულდა.
იხილეთ ასევე: