მეგან მარკლისა და მისი ნახევარდის სკანდალური სასამართლო დავა დასრულდა - რა გადაწყვეტილება მიიღო მოსამართლემ
ამერიკელმა მოსამართლემ არ დააკმაყოფილა მეგან მარკლის წინააღმდეგ აღძრული ცილისწამების საქმე - სასექსის ჰერცოგინიას საკუთარმა ნახევარდამ Netflix-ის დოკუმენტურ ფილმსა და ოპრა უინფრისთან ინტერვიუში გაკეთებული კომენტარების გამო უჩივლა.
- კერძოდ, 2021 წელს, ოპრასთან ინტერვიუში, მეგანმა ბავშვობა გაიხსენა და თქვა, რომ ის ოჯახში ერთადერთი ბავშვი იყო. ცნობილია, რომ მეგანს ჰყავს როგორც უფროსი და, სამანტა, ასევე ძმა, ტომას მარკლი. გარდა ამისა, სასექსის ჰერცოგინიას განცხადებით, სამანტამ გვარი ისევ მარკლით შეიცვალა, მას შემდეგ, რაც გაიგო, რომ მეგანი პრინც ჰარის ხვდებოდა.
”სასამართლომ გაითვალისწინა ის ფაქტი, რომ [სამანტამ] გამოიყენა გვარი რასმუსენი 2016 წლის სექტემბერში, ხოლო ორი თვის შემდეგ, ისევ მარკლით შეიცვალა, როცა მეგანისა და ჰარის ურთიერთობა გასაჯაროვდა. აქედან გამომდინარე, განცხადების არსი - ის, რომ სამანტამ ძველი გვარი ამ მიზეზით დაიბრუნა, სიმართლეს შეესაბამება", - განაცხადა მოსამართლე ჩარლინ ედვარდს ჰანიველმა და აღნიშნა, რომ სამანტამ ვერ შეძლო დამაჯერებელი მტკიცებულების წარდგენა.
ცნობისთვის, სამანტა მარკლი ადრე ამტკიცებდა, რომ პრინცი ჰარი ცოლის გავლენის ქვეშ იყო და საკუთარი გადაწყვეტილებების მიხედვით ვერ მოქმედებდა. აღსანიშნავია, რომ 56 წლის სამანტას აქამდეც არაერთხელ უთქვამს თავისი "წინასწარმეტყველების“ შესახებ, რომლის მიხედვითაც, სამეფო წყვილი მალე ერთმანეთს გაეყრება.
"მე ვხედავ, რომ მათი ურთიერთობა განქორწინებით დასრულდება, თუკი გულწრფელები არ იქნებიან, მათ თავიანთი განცხადებებით ბევრი ადამიანი დააზიანეს. რომელი კაცი იქნებოდა ბედნიერი და რომელი კაცი იგრძნობდა თავს კომფორტულად, ისეთი ცხოვრება რომ ჰქონდეს, როგორიც ახლა ჰარის აქვს?! იმ წუთიდანვე, როცა ჰარი მას რაიმეზე შეეწინააღმდეგება, მეგანისთვის ის საზიზღარი გახდება", - ამბობდა სამანტა მარკლი.