ჩინეთში, რესტორანში გაზის აფეთქების შედეგად ორი ადამიანი დაიღუპა, 26 დაშავდა

მინიმუმ ორი ადამიანი დაიღუპა და 26 დაშავდა ჩრდილოეთ ჩინეთის რესტორანში აფეთქების შედეგად. შემთხვევა სამშაბათს, დილის 8 საათზე მოხდა.

სახელმწიფო მაუწყებლის, CCTV-ის ინფორმაციით, აფეთქების მიზეზი გაზის გაჟონვა გახდა. დაშავებულები საავადმყოფოში გადაიყვანეს. სახანძრო სამსახურის განცხადებით, ადგილზე 36 სასწრაფო დახმარების მანქანა და 154 პერსონალი იყო გაგზავნილი.

"ხანძარი ამ დროისთვის კონტროლის ქვეშაა და ადგილზე მეხანძრეები მუშაობენ“, - ნათქვამია განცხადებაში.

ბოლო თვეების განმავლობაში ჩინეთში აფეთქების რამდენიმე შემთხვევა დაფიქსირდა: გასულ თვეში, აღმოსავლეთ ქალაქ ნანკინში საცხოვრებელ კორპუსში გაჩენილი ხანძრის შედეგად სულ მცირე 15 ადამიანი დაიღუპა და 44 დაშავდა.