"კალმარის თამაშის" მსახიობს, რომელიც სექსუალურ შევიწროებაშია ბრალდებული, პატიმრობა მიესაჯა
Squid Game-ის მსახიობ ო იონგ-სუს სამხრეთ კორეის სასამართლომ სექსუალური შევიწროების ბრალდებით რვათვიანი პირობითი პატიმრობა მიუსაჯა. შემთხვევა 2017 წელს მოხდა, როცა იონგ-სუ თეატრთან ერთად სოფელში სპექტაკლს მართავდა.
დაზარალებული ამტკიცებდა, რომ მსახიობი მას მისი ნების საწინააღმდეგოდ ჩაეხუტა დაა ლოყაზე აკოცა. 79 წლის იონგ-სუ დანაშაულს უარყოფს და განაჩენის გასაჩივრებას აპირებს.
საქმის მოსამართლის თქმით, შემთხვევათა აღწერა და მონათხრობი, რომელიც სასამართლოს მსხვერპლმა მიაწოდა, "თანმიმდევრულია და როგორც ჩანს, არის განცხადებები, რომლებსაც ვერ გააკეთებდა მათი თავის თავზე გამოცდის გარეშე".
Squid Game 2021 წლის ერთ-ერთი ყველაზე ცნობილი სერიალია, რომელიც მოკლე დროში Netflix-ის ყველაზე ნახვადი შოუ გახდა. სერიალში შესრულებული როლისთვის იონგ-სუმ ოქროს გლობუსი მოიპოვა...წყარო