იტალიაში 103 წლის ქალი სიჩქარის გადაჭარბების გამო დააკავეს - აღმოჩნდა, რომ მართვის მოწმობაზე ვადა გასული ჰქონდა

იტალიის პოლიციამ საგზაო მოძრაობის წესების დარღვევის გამო ყველაზე ხანდაზმული მძღოლი დააკავა. 1920 წელს დაბადებულ ქალს მართვის მოწმობაზე ვადა გასული ჰქონდა.

ღამით მორიგეობისას, პოლიციამ შენიშნა, რომ მანქანა საეჭვოდ მოძრაობდა. გაჩერების შემდეგ ადგილზე მისული სამართალდამცავები ნანახმა შოკში ჩააგდო: საჭესთან პატარა, მოხუცი ქალი იჯდა. ბებიას თან ერთადერთი საბუთი ჰქონდა, ვადაგასული მართვის მოწმობა.

• "ჯუზეპინა მოლინარი გიოსე დაიბადა 1920 წელს. ის მანქანით მიდიოდა ბონდენოში მეგობრებან შესახვედრად და სიბნელეში ორიენტაცია დაკარგა, რის გამოც გზას ვეღარ აგნებდა" - განაცხადა პოლიციამ.

მოლინარს ლიცენზია ორი წლის წინ ამოეწურა. იტალიაში 80 წელზე უფროსი ასაკის მძღოლებმა უნდა გაიარონ სამედიცინო შემოწმება ყოველ ორ წელიწადში ერთხელ. ქალი პოლიციამ დააჯარიმა და სახლში წაიყვანა.

როგორც ქალმა ადგილობრივ გაზეთს განუცხადა, სანამ მანქანას დაუბრუნებენ მეგობრებთან სტუმრობას ველოსიპედით გეგმავს.

ქალაქის მერი, ალან ფაბრი მიესალმა ქალის მიდგომას ცხოვრებისადმი. "გიოსეს მედალს მივცემდი, და არა ჯარიმას“, - განაცხადა მედიასთან მან.

"ასეთი შინაგანი ძალის ქონა ჩვეულებრივი არ არის და ეს ჩემი სიბერის იმედს მაძლევს!“ - დაწერა მერმა ფეისბუქზე.