"FSB-ს დირექტორმა პუტინს უკვე აცნობა, რომ..." - დაღუპულთა რიცხვი 93-მდე გაიზარდა, დაკავებულია 11 პირი: ახალი დეტალები
რუსეთის საგამოძიებო კომიტეტის ცნობით, Crocus City Hall-ში მომხდარი ტერაქტის შედეგად დაღუპულთა რიცხვი 93-მდე გაიზარდა.
- უსაფრთხოების სამსახურის ხელმძღვანელმა, ალექსანდრე ბორტნიკოვმა პრეზიდენტ პუტინს შეატყობინა, რომ 11 ადამიანი დააკავეს, მათ შორის ოთხი თავდამსხმელი, რომლებიც უშუალოდ მონაწილეობდნენ ტერაქტში.
"მიმდინარეობს შემდგომი სამუშაოები თანამზრახველთა ბაზის იდენტიფიცირებისთვის“, - აცხადებენ უსაფრთხოების სამსახურის პრესსამსახურში.
შეგახსენებთ, რომ გუშინ მოსკოვის "კროკუს სითი ჰოლში“ რამდენიმე შეიარაღებულმა პირმა ცეცხლი გახსნა, რასაც ხანძარი მოჰყვა. რუსეთის საგარეო უწყებამ მოსკოვის საკონცერტო დარბაზზე განხორციელებული თავდასხმა ტერაქტად შეაფასა. სააგენტო Reuters-ის ცნობით, თავდასხმაზე პასუხისმგებლობა ე.წ. "ისლამურმა სახელმწიფომ“ აიღო.
წაიკითხეთ ასევე:
- "გვამებზე მივრბოდით, ერთმანეთზე ხელჩაკიდებულები.... გაგვიმართლა" - ტრაგედიას გადარჩენილები: როგორ დააღწია ახალგაზრდა ქალმა თავი სიკვდილს?
- ტრაგედიის ადგილი ახლა: როგორ გამოიყურება "კროკუს სითი ჰოლი", სადაც ტერორისტებმა მასობრივი ხოცვა მოაწყვეს