"მოკალით, არავინ დაინდოთ" - "ისლამური სახელმწიფო" მოსკოვში ტერორისტის მიერ გადაღებულ შემზარავ ვიდეოს აქვეყნებს და წერს, რომ მაყურებელს "ექსკლუზიურ სცენებს" სთავაზობს: რა ჩანს კადრებში
ე.წ ისლამური სახელმწიფო აქვეყნებს შემზარავ ვიდეოს, სადაც დეტალურად არის ნაჩვენები, თუ როგორ დახოცეს ტერორისტებმა მოსკოვის საკონცერტო დარბაზში ადამიანები. ვიდეო ISIS-ის საინფორმაციო სააგენტო Armaq-მა გაავრცელდა.
ტერორისტების განცხადებით, ეს იყო "ყველაზე ძალადობრივი“ თავდასხმა, რომელიც რუსეთის წინააღმდეგ განხორციელბულა. "ეს არის პასუხი იმ ბრძოლაზე, რომელიც ისლამური სახელმწიფოსა და ისლამის წინააღმდეგაა მიმართული“, - ნათქვამია ISIS-ის განცხადებაში.
90-წამიან "სელფ ვიდეოს“ ტერორისტული ჯგუფი აღწერს როგორც "ექსკლუზიურ სცენებს“
"მოსკოვში ქრისტიანებზე თავდასხმის ექსკლუზიური სცენები“, - ასე წარადგინეს ვიდეო, სადაც სასტიკი სცენებია ასახული. ერთ მომენტში კი შეიარაღებული პირი ამბობს - "მოიტანეთ იარაღი, არავინ დაინდოთ, არავინ შეიბრალოთ“.
ისმის კიდევ ერთი თავდამსხმელის ხმა:
"უფლის ნებით, ურწმუნოები დამარცხდებიან, ღმერთი დიდია“.
ვიდეოს, მისი შინაარსის და უმძმესი კადრების გამო არ ვაქვეყნებთ, თუმცა შეგვიძ₾ია ვნახოთ ზოგიერთი ამოჭრილი კადრი.
- ცნობისთვის, 22 მარტს მოსკოვის ოლქში "კროკუს სითი ჰოლში“ ტერაქტი მოხდა. შეიარაღებული პირები შენობაში შეიჭრნენ და მშვიდობიან მოქალაქეებს ცეცხლი გაუხსნეს. ტერორიზმში ყველა ბრალდებული დაკავებულია. ბოლო ცნობების მიხედვით, დაღუპულია 140 ადამიანი. მომხდარზე პასუხისმგებლობა "ისლამურმა სახელმწიფომ" აიღო.