"დინამო არენას" მიმდებარე ტერიტორია უკვე გადაჭედილია: ქომაგების შესრულებული ჰიმნი და შეძახილები - რა ხდება სტადიონთან, ისტორიული მატჩის დაწყებამდე?(ფოტო, ვიდეო)
დღეს, 26 მარტს დამოუკიდებელი საქართველოს ფეხბურთის ისტორიაში ერთ-ერთი ყველაზე მნიშვნელოვანი მატჩია. საქართველოს ეროვნული ნაკრები "ერთა ლიგის" ფინალში საბერძნეთს დაუპირისპირდება. გამარჯვების შემთხვევაში ჩვენი გუნდი ისტორიაში პირველად იასპარეზებს ევროპის ჩემპიონატზე. მატჩი თბილისში, "დინამო არენაზე" 21:00 საათზე დაიწყება.
- ისტორიულ მატჩამდე 2 საათია დარჩენილი, თუმცა შეიძლება ითქვას, რომ დინამო არენას მიმდებარე ტერიტორია უკვე გადაჭედილია. ადგილზე შეკრებილები არიან ქომაგები და ეროვნულ ნაკრებს შეძახილებით ამხნევებენ, ასევე მღერიან ეროვნულ ჰიმნს. მათ მალე შეუერთდება ქომაგების სხვა ნაკადი, რომლებიც დედაქალაქის სხვადასხვა ლოკაციებზე შეიკრიბდნენ და დინამოსკენ მიემართებიან. ადგილზე მობილიზებულია დიდი რაოდენობით სამართალდამცველი.
26 ფეხბურთელიდან შეხვედრისთვის ფრანგ სპეციალისტს სამი მოთამაშე განაცხადს მიღმა უნდა დაეტოვებინა და ესენი ანზორ მექვაბიშვილი, საბა საზონოვი და ვლადიმერ მამუჩაშვილი აღმოჩნდნენ. რა თქმა უნდა, სამატჩო სიას დაუბრუნდა ხვიჩა კვარაცხელია.
ნახეთ რა ხდება ახლა "დინამო არენასთან"
