ლელა კილაძის გრანდიოზული იუბილე, რომელსაც ახლანდელი შეყვარებული და ყოფილი ქმრები გიგი უგულავა, ნიკა მაჭარაძე და გუკა რჩეულიშვილი დაესწრნენ - ფოტოები წვეულებიდან
25 მარტს ლელა კილაძემ დაბადების დღე აღნიშნა. ცნობილ სახეს 41 წელი შეუსრულდა. გრანდიოზული იუბილე მხოლოდ ცნობილი სახეებით არ ყოფილა გამორჩეული, ლელას დაბადების დღეს ესწრებოდნენ ყოფილი ქმრები - ნიკა მაჭარაძე, გიგი უგულავა და გუკა რჩეულიშვილი, ასევე მისი ახლანდელი შეყვარებული გიორგი ცაგარელი. კაცებმა ერთად საერთო ფოტოც კი გადაიღეს.
ლელას იუბილეზე უმღერეს სოფო ნიჟარაძემ, სტეფანემ და ლელა წურწუმიამ. საღამოს მუსიკალურად აფორმებდა პიანისტი ბექა გოჩიაშვილი.
ლელა კილაძე რამდენიმეჯერ იყო დაოჯახებული. წინა ორი ქორწინებიდან ორი ვაჟი ჰყავს. ნიკა მაჭარაძესთან განქორწინების შემდეგ კი, მაშინდელ თბილისის მერს, გიგი უგულავას გაჰყვა ცოლად და კიდევ ერთი ვაჟი, ალექსანდრე შეეძინა. უგულავას დაპატიმრებიდან მალევე ცნობილი გახდა, რომ ლელა მასაც დაშორდა და ამჯერად გუკა რჩეულიშვილზე იქორწინა.
წყვილს საერთო ქალიშვილი თრინითი შეეძინათ, თუმცა მოგვიანებით გუკა რჩეულიშვილს ოჯახური ძალადობის ფაქტზე უჩივლა და კინოპროდიუსერი დააკავეს. ციხიდან გამოსვლის შემდეგ, გუკამ ლელას საჯარო მადლობა გადაუხადა და წყვილი შერიგდა, თუმცა რამდენიმე თვეში ცნობილი გახდა, რომ ერთმანეთს დაშორდნენ.
ლელა ახალ შეყვარებულთან, ლიზა ბაგრატიონის ყოფილ ქმართან, გიორგი ცაგარელთან ერთად გამოჩნდა და წელიწადზე მეტია, რაც ერთად არიან. სოციალურ ქსელში აქვეყნებენ საერთო ფოტოებს, სადაც გრძნობებს არ მალავენ.