"ქალი, რომელიც ქართული კერძების ციხეში მიტანის პროცესს ხელმძღვანელობდა, ძალიან ჰგავდა ხათუნა კალმახელიძეს" - რას წერს რუსული მედია კალაშოვის ციხეში გადახდილ იუბილეზე
რუსული მედია წერს, რომ შაქრო კალაშოვმა, რომელიც გუშინ რუსეთის ერთ-ერთი კოლონიიდან ვადაზე ადრე გაათავისუფლეს, ერთი კვირით ადრე დაბადების დღე ციხეში აღნიშნა.
"20 მარტს - მის დაბადების დღეს - ჟურნალისტებმა კოლონიასთან ახლოს მდებარე ავტოსადგომზე "მერსედესის" მარკის ავტომობილი შენიშნეს. იქიდან უცნობმა პირებმა, შავი ტანსაცმლითა და ქუდებით, რამდენიმე ყუთი ხაჭაპური, ხინკლის ყუთები, ლიმონათის შეკვრა და დაბადების დღისთვის განკუთვნილი დიდი ტორტი პატარა სატვირთო მანქანაში გადაიტანეს. როგორც ჩანს, კოლონიაში კალაშოვს სურდა ქართული კულინარიული კერძებით აღნიშვნა და გადაწყვიტა გათავისუფლებამდე მოკრძალებული ბანკეტი მოეწყო. პროცესს უძღვებოდა თეთრ ქურთუკში ჩაცმული ქალბატონი, რომელსაც ბრენდირებული სათვალეები ეკეთა" - წერს, რუსული მედია.
- მათივე ინფორმაციით, ქალბატონი ძალიან ჰგავდა სასჯელაღსრულების ყოფილ მინისტრს ხათუნა კალმახელიძეს.
თბილისში დაბადებული კალაშოვი ფესვებს არ ივიწყებს და გისოსებს მიღმაც კი ინარჩუნებდა ურთიერთობას გავლენიან თანამემამულეებთან.
როგორც მედიის მიერ გავრცელებულ ნიუსებში წერია, ქალი, რომელიც ძალიან ჰგავდა კალმახელიძეს, რამდენიმე ადამიანს ხელმძღვანელობდა, რათა ყუთები, რომლებშიც საკვები იყო მოთავსებული, მისი მანქანიდან ახლომდებარე სატვირთოში გადაეტანათ.
ქალი 6-7 საათის განმავლობაში იმყოფებოდა კოლონიის კართან.
შეგახსენებთ, რომ ხათუნა კალმახელიძემ (საქართველოს სასჯელაღსრულების ყოფილი მინისტრი), თანამდებობა 2012 წელს დატოვა გლდანის მე-8 საპყრობილეში პატიმართა წამების ამსახველი ვიდეომასალის გავრცელებასთან დაკავშირებული სკანდალის შემდეგ. მას შემდეგ კალმახელიძე მთლიანად გაქრა საჯარო სივრციდან. ის ახლა 45 წლისაა.
წაიკითხეთ ასევე: