"ჩემი ოჯახი დედამ გადაარჩინა... დედა გახდა ჩვეულებრივი მეომარი" - რას იხსენებს რთულ პერიოდზე გიორგი ცინცაძე
კალათბურთელი გიორგი ცინცაძე ნოე სულაბერიძის გადაცემაში "ნოესთან“ 90-იანი წლების რთულ პერიოდს იხსენებს და დედის შესახებ საუბრობს.
- "ყველაზე დიდი მადლობა დედას ეკუთვნის. ხომ ამბობენ, რომ 90-იანებში ქალებმა გადაარჩინეს საქართველო, ჩემი ოჯახი დედამ გადაარჩინა. საკმაოდ პატარა ასაკში დაშორდნენ დედა და მამა, საკმაოდ შეძლებული ოჯახის წევრები ვიყავით.
შემდეგ მხედრიონმა მამაჩემს საერთოდ ყველაფერი წაართვა.
შემდეგ იყო ათწლიანი პერიოდი, როდესაც დედა გახდა ჩვეულებრივი მეომარი. ჩემთვის და ჩემი დისთვის აკეთებდა ყველაფერს - რაც შეეძლო და რაც არ შეეძლო.
მადლობა, დე...
მაგრამ მადლობა არ არის საკმარისი.
მამა სხვა ოჯახში ცხოვრობდა, თავის ოჯახში და ჩვენთან არ მოდიოდა ხოლმე, კი მოდიოდა, მაგრამ ასე ვთქვათ, აღზრდაში არ იღებდა ხოლმე მონაწილეობას“, - ამბობს გიორგი ცინცაძე.