მოძრაობა 4B: ქალები უარს ამბობენ მამაკაცთან ურთიერთობაზე, სექსზე, ქორწინებაზე, შვილის გაჩენაზე - სამხრეთ კორეაში დემოგრაფიული კრიზისის საფრთხეა

სამხრეთ კორეაში საკუთარი უფლებებისთვის მებრძოლმა ქალებმა მამაკაცებს ბოიკოტი გამოუცხადეს, რამაც უკვე გამოიწვია ქვეყანაში შობადობის სწრაფი კლება. ქალები მასობრივად უარს ამბობენ ქორწინებაზე და მამაკაცებთან ურთიერთობაზე.

ქვეყანაში 4B ("ოთხი არა) მოძრაობა სულ უფრო ფართოვდება. "ოთხი არას“ წესი გულისხმობს გაცნობაზე, ქორწინებაზე, სექსზე და მამაკაცებისგან შვილების გაჩენაზე უარს. ამ რადიკალური გზით, კორეელი ქალები ებრძვიან გენდერულ დისკრიმინაციას, სექსიზმს, ქალიშვილობასა და სექსუალურ ძალადობას ქვეყანაში და ითხოვენ უკეთესად მოპყრობას.

სტატისტიკის მიხედვით, სამხრეთ კორეაში ქალები მამაკაცებზე 30%-ით ნაკლებს გამოიმუშავებენ და ხშირად იძულებულნი არიან არჩევანი გააკეთონ კარიერასა და ოჯახს შორის.

• ქვეყანაში დემოგრაფიული კრიზისი ყოველწლიურად იზრდება

4B მოძრაობამ 2023 წელს უკვე გამოიწვია ქვეყანაში შობადობის კოეფიციენტის დაცემა 0,72-მდე. ამ ფაქტმა აიძულა ადგილობრივი ხელისუფლება მილიარდები დაეხარჯათ პრობლემის მოსაგვარებლად. მაგალითად, 2024 წელს, ზოგიერთმა კომპანიამ პირობა დადო, რომ თანამშრომლებს 75 ათას დოლარს გადაუხდიდნენ შვილის შეძენის შემთხვევაში, მაგრამ ასეთმა დაპირებამაც ვერ აიძულა სამხრეთ კორეელი ქალების ნაწილი გადაწყვეტილება შეეცვალათ. მათ მიაჩნიათ, რომ საკუთარი პოზიციების გასაძლიერებლად აუცილებელია კანონების შეცვლა...

4B-მ უკვე გამოიწვია აჟიოტაჟი სოციალურ მედიაში, მაგრამ ოპონენტები ამბობენ, რომ ისტორიები ამ მოძრაობის მასშტაბების შესახებ გაზვიადებულია.