ბრიტანელი მამაკაცი $6-მილიონიანი უნიტაზის ქურდობაში გამოტყდა

მამაკაცმა 2019 წელს გამართული გამოფენიდან 18-კარატიანი ოქროს სრულიად ფუნქციონალური უნიტაზი მოიპარა, ახლა კი დანაშაულს აღიარებს.

ჯეიმზ შინმა ოქსფორდშირის აგარაკიდან (ადგილი, სადაც უინსტონ ჩერჩილი დაიბადა) 4.8 მილიონი ფუნტის ღირებულების ოქროს უნიტაზი მოიპარა. შემთხვევა 2019 წელს მოხდა, მაშინ, როცა ის გამოფენაზე გაიტანეს.

უნიტაზის ქურდობამ სახლში კანალიზაციის მოშლა გამოიწვია, რის შემდეგაც მეთვრამეტე საუკუნის აგარაკი მთლიანად დაიტბორა.

• ბლენჰეიმის სასახლის 18-კარატიანი უნიტაზი იტალიელი ხელოვანის, მაურიციო კატელანის მიერაა შექმნილი.

ძვირადღირებული უნიტაზის ქურდობის საქმეზე სასამართლო პროცესი ამ კვირაში გაიმართა, სადაც 39 წლის ჯეიმზ შინმა დანაშაული აღიარა. თუმცა აღსანიშნავია ისიც, რომ ჯეიმზის სამი სავარაუდო თანამზრახველი დანაშაულის ჩადენას კვლავ უარყოფს.

შინი სასამართლო პროცესში ციხიდან, ვიდეოზარით ჩაერთო. ის ჩადენილი არაერთი ქურდობისთვის 17-წლიან სასჯელს უკვე იხდის. ჯეიმზ შინის მოპარულ საგნებს შორისაა აგრეთვე 400 000 ფუნტის ღირებულების რამდენიმე ტრაქტორი და ეროვნული საცხენოსნო მუზეუმიდან მოპარული ძვირადღირებული ჯილდოები.

წყარო: theguardian

მოამზადა: ანა სიბოშვილმა