თავდამსხმელმა 26-ჯერ გაისროლა - მექსიკაში პოპულარული ინფლუენსერი და მისი შეყვარებული ჩაცხრილეს: რა გადაიღო სათვალთვალო კამერამ?
პოპულარული მექსიკელი ინფლუენსერი, ვიელკა პულიდო და მისი მეგობარი ბიჭი, ჟოელ აბრაჰამ ჩავეზი მექსიკაში, ქალაქ პუებლაში, ერთ-ერთი სპორტდარბაზის მიმდებარე ტერიტორიაზე ჩაცხრილეს.
- სოციალურ ქსელებში გავრცელდა სათვალთვალო კამერით გადაღებული ვიდეოკადრებიც, სადაც ჩანს, როგორ გახსნა ცეცხლი შეიარაღებულმა მამაკაცმა მას შემდეგ, რაც სპორტდარბაზიდან გამოსული წყვილი ავტომობილში ჩაჯდა.
ყველაფერი ადამიანების თვალწინ მოხდა. მედიის ცნობით, ხალხი შეშინებული გარბოდა და გადარჩენას ცდილობდა.
ერთ-ერთი ვერსიით, თავდამსხმელმა 26-ჯერ გაისროლა.
პუებლას პოლიცია სავარაუდოდ, მუშაობს თეორიაზე, რომლის მიხედვითაც სამიზნე შესაძლოა, ქალის 21 წლის ბოიფრენდი ყოფილიყო.
ვიელკა, რომელიც ცნობილი იყო სოციალურ ქსელებში სახელით La Bendi საუბრობდა სილამაზის პროცედურებზე და რეკლამას უწევდა სხვადასხვა ბრენდს. ადგილზე მისულ პოლიციას წყვილი გარდაცვლილი დახვდა.
