ხონში ტურისტებით სავსე მიკროავტობუსი წყლის არხში ჩავარდა - არსებული ინფორმაციით, დაშავდა 19 ადამიანი
- ფოტო: Mega.TV
ხონში, სოფელ ნახახულევში ავტოავარია მოხდა. ქუთაისში მოქმედი ტელევიზიის, "მეგა TV"-ის ინფორმაციით, მიკროავტობუსი, რომელშიც პოლონელი ტურისტები ისხდნენ, გზის სავალი ნაწილიდან გადავიდა და წყლის არხში ჩავარდა.
მათივე ინფორმაციით, დაშავდა 19 ადამიანი და ისინი სხვადასხვა კლინიკაში გადაიყვანეს.
ადგილზე მობილიზებულნი იყვნენ სამართალდამცველები და სასწრაფოო დახმარების ჯგუფები.