"ჩარლზის სიმსივნის დიაგნოზმა ქეითი და უილიამი ტახტზე ასვლასთან მიაახლოვა, მათ ეს ამბავი ძალიან აშფოთებთ" - რა კულუარული ინფორმაცია ხდება ცნობილი სამეფო ოჯახზე
მას შემდეგ, რაც საზოგადოებისთვის ცნობილი გახდა, რომ დიდი ბრიტანეთის მეფე ჩარლზს ჯანმრთელობის პრობლემები აქვს, უელსის პრინცი და პრინცესა ერთგვარი ზეწოლის ქვეშ არიან. წყვილი ღელავს, რომ მეფის ჯანმრთელობის გაუარესების შემთხვევაში, მათ ნაადრევად მოუწევთ მეფე-დედოფლის მოვალეობის შესრულება.
New York Times-ში გამოქვეყნებულ სტატიაში Vanity Fair-ის ყოფილი რედაქტორი თინა ბრაუნი წერს: "ჩარლზის სიმსივნის დიაგნოზის შესახებ სამწუხარო სიახლემ ქეითი და უილიამი ტახტზე ასვლასთან კიდევ უფრო მიაახლოვა, არადა წყვილს სურდა, რომ თავიანთი შვილები უფრო მეტ ხანს ყოფილიყვნენ საზოგადოების თვალისგან მოშორებით", - წერს თინა ბრაუნი.
როგორც სამეფო ტახტის მომავალი მემკვიდრეები, უელსის პრინცი და პრინცესა "წარმოუდგენელ ზეწოლას" გრძნობენ.
ამას ისიც უწყობს ხელს, რომ ოჯახის დანარჩენი წევრები მათ დახმარებას ვერანაირად ახერხებენ.
ბრაუნი აღნიშნავს, რომ ქეითი სამეფო ოჯახში უილიამის შემდეგ ყველაზე პოპულარული წევრია და რომ მონარქიის მომავალი, რომელიც ახლა ბეწვზე ჰკიდია, ფაქტობრივად, მის ხელშია.
წყარო: cosmopolitan
მოამზადა: ანა სიბოშვილმა