ჰარი კეინის სამი მცირეწლოვანი შვილი ავტოავარიაში მოყვა - რა ხდება ცნობილი მომხდარზე და როგორია ბავშვების ჯანმრთელობის მდგომარეობა (ფოტოები)

ინგლისელი ფეხბურთელის, ჰარი კეინის შვილები ავტოავარიაში მოყვნენ. შემთხვევა გერმანიაში მოხდა, რა დროსაც ერთმანეთს სამი მანქანა შეეჯახა. ერთ-ერთ ავტომობილში ჰარი კეინის სამი შვილი იყო.

ავარია მოხდა საღამოს მიუნხენის მახლობლად. ცნობისთვის, კეინი მიუნხენის "ბაიერნის" ფეხბურთელია. ადგილობრივმა მოხალისე მეხანძრემ BBC-ის განუცხადა, რომ სერიოზულად არავინ დაშავებულა.

• "ისინი კარგად არიან და რუტინული შემოწმებისთვის გადაიყვანეს საავადმყოფოში“, - აცხადებს ჰარი კეინის სპიკერი.

როგორც გერმანული გამოცემა BilD იტყობინება, Renault-ს მარკის ავტომობილი, რომელშიც ოთხი ადამიანი იმყოფებოდა, შეეჯახა "მერსედესის" მარკის ავტომობილს, სწორედ ამ მანქანაში ისხდნენ ჰარი კეინის შვილები, ბავშვების ასაკი სამიდან შვიდ წლამდეა.

Renault ასევე გზაზე მყოფ Land Rover.-საც დაეჯახა. ბავარიის პოლიციის თქმით, ავარიის მონაწილე ცხრა ადამიანმა მსუბუქი დაზიანებები მიიღო, ერთი ქალის მდგომარეობა იყო შედარებით მძიმე, რომელიც საავადმყოფოში ვერტმფრენით გადაიყვანეს.

"მადლობა ღმერთს, რომ არავინ დაშავებულა. ეს მართლაც გამართლებაა“, - თქვა სამაშველო სამსახურის ხელმძღვანელმა.

ჰარი კეინს ოთხი შვილი ჰყავს, მათ შორის ყველაზე პატარა გასული წლის აგვისტოში დაიბადა. გავრცელებული ინფორმაციით, ის ავტომობილში არ იმყოფებოდა.