"ალ ქალაჩუნ ალ მუხთალ ელისუნი... ეს ჩოხის უღირსი" - რას წერს თეა წულუკიანი ალეკო ელისაშვილის შესახებ?
იურიდიულ საკითხთა სხდომაზე, სადაც "უცხოური გავლენების გამჭვირვალობის შესახებ“ კანონპროექტის განხილვა ამ დრომდე მიმდინარეობს, დღეს ფიზიკური დაპირისპირება იყო.
- "მოქალაქეების“ ლიდერი ალეკო ელისაშვილი საპარლამენტო უმრავლესობის ლიდერ მამუკა მდინარაძეს ფიზიკურად გაუსწორდა, რასაც დეპუტატებს შორის არეულობა მოჰყვა.
მომხდარს ეხმიანება კულტურის მინისტრი თეა წულუკიანი და ელისაშვილს აკრიტიკებს. წულუკიანმა აღნიშნულ თემაზე პოსტი სოციალურ ქსელში გამოაქვეყნა:
"ალ ქალაჩუნ ალ მუხთალ ელისუნი.
ბიჯოო, ეს რა უქნა საკუთარ თავს? ასე როგორ დაესხა თავს ადამიანს, ეს ჩოხის უღირსი. გავა ოცი წელი და როგორ შეხედავ ბაბუა ამ ვიდეოს შვილიშვილებთან ერთად, მაგასაც ვნახავთ.
ისე, უკრაინაში წასული დიდი ბაქი-ბუქით, კი გამოექცა რუსის ჯარისკაცს და შემოიძურწა უკან. საკუთარი ქვეყნის წინააღმდეგ მებრძოლი ლომი", - წერს თეა წულუკიანი.
- ნახეთ ასევე:
- ცემა-ტყეპა პარლამენტში - ალეკო ელისაშვილი მამუკა მდინარაძეს ფიზიკურად გაუსწორდა
- როგორ გაუსწორდნენ ფიზიკურად ალეკო ელისაშვილს მას შემდეგ, რაც მდინარაძეს დაარტყა - მედიაში ვიდეო კადრები ვრცელდება
- "გაილახა მდინარაძე ხოშიანად, მოხვდა რუსულ "სიფათში“" - ალეკო ელისაშვილი