"სახლში მოვარდნენ, მთაწმინდაზე, ნიღბებით - მეზობლებმა გაყარეს, ველოდები ყველაფერს, რადგან ყველაფერზე წამსვლელები არიან" - ალეკო ელისაშვილი

"მოქალაქეების“ ლიდერი, ალეკო ელისაშვილი აცხადებს, რომ პარლამენტში მომხდარი ინციდენტის შემდეგ, მის სახლთან რამდენიმე ნიღბიანი არასრულწლოვანი მივიდა.

"ეგრევე სახლში მოვარდნენ, მთაწმინდაზე, ნიღბებით, 3-4 ბავშვი იყო. ძალიან ცუდი რომ ასეთ ასაკში ასეთ რამეს აკეთებენ. დაიწყეს მოხატვა, მე რეაქციაც კი ვერ მოვასწარი, მეზობლებმა ეგრევე გაყარეს. ველოდები ყველაფერს, იმიტომ, რომ ყველაფერზე წამსვლელები არიან. არაფრის მეშინია, გიჟი არ ვარ. ახლა არის არჩევანი საქართველო იქნება თავისუფალი ქვეყანა თუ შეგვათრევენ რუსეთში. ამას როგორც შემეძლო წინ აღვუდექი და აღვუდგები.

არც ხულიგანი ვარ და არც ძველი ბიჭი, უბრალოდ, მე დავიბადე საზიზღარ საბჭოთა კავშირში და მინდა ვიცხოვრო თავისუფალ საქართველოში. როცა ასეთი შანსი გვაქვს გამდიდრების, რაზეც ვოცნებობთ 30 წელი, ევროკავშირის კარი გაგვიღეს და ესენი წიხლით ხურავენ. მეც კაი გავილახე ეგრე კი არაა, 10 კაცი მცემდა. არა უშავს, სისულელეების გამო ვარ ახალგაზრდობაში ხანდახან ნაცემი, საქართველოს გამო რომ მომხვდა, პირიქით, ძალიან მეამაყება“,- განაცხადა ელისაშვილმა “მთავარ არხთან“.