"როგორც ჩვენი საქმით, ისე სიტყვით გავერთიანდეთ და ყველანი ერთად, არავის გამოკლებით, წინ, ერთად ევროპისკენ" - თორნიკე შენგელია
"უცხოური გავლენის გამჭვირვალობის" კანონპროექტთან დაკავშირებით საქართველოში მიმდინარე მოვლენებს კალათბურთელი თორნიკე შენგელიაც ეხმიანება:
"ჩემთვის და ჩვენთვის, სპორტსმენებისთვის, არაფერია იმაზე მნიშვნელოვანი როდესაც ჩვენი საქმით ერს ვაბედნიერებთ და ვაერთიანებთ. ამის უდიდესი მაგალითი ცოტა ხნის წინ დინამო არენაზე ვიხილეთ.
სამწუხაროა, როდესაც რამდენიმე ნაწილად გახლეჩილ, დანაწევრებულ ერს ვხედავ. ძალიან მწყდება გული, რომ ამის აღმოსაფხვრელად ბევრის არაფრის გაკეთება შემიძლია გარდა იმისა, რომ ვიმედოვნო - როგორც ჩვენი საქმით, ისე სიტყვით გავერთიანდეთ და ყველანი ერთად, არავის გამოკლებით, წინ, ერთად ევროპისკენ!" - წერს თორნიკე შენგელია.
- ნახეთ ასევე:
- "არა რუსეთს, საქართველოს გზა ევროპაშია, მადლობა არავინ გადამიხადოს, რადგან იმას ვამბობ, რაც ყველა ქართველმა უნდა თქვას" - ბუდუ ზივზივაძე
- "საქართველოს გზა ევროპაშია, წინ ევროპისკენ" - ხვიჩა კვარაცხელია