ჩცდ-ს ბაქარი შსს-ში: რაზე დასაქმდა მსახიობი უწყებაში - ფოტოები სამინისტროს შიდა ტურნირიდან
შინაგან საქმეთა სამინისტროს ადმინისტრაციულ შენობაში ჭადრაკის შიდა ტურნირი ჩატარდა. ჩემპიონატი ჭადრაკის საერთაშორისო ფედერაციის - "FIDE"-ს წესებით, შვეიცარიული სისტემით, 9 ტურად წარიმართა. სამინისტროს მიერ გავრცელებულ ფოტოებზე ჩანს მსახიობი ბუბა მირცხულავაც, რომელსაც საზოგადოება სერიალ "ჩემი ცოლის დაქალებიდან" იცნობს. როგორც ირკვევა, მსახიობი შსს-ს პროტოკოლის სამსახურშია დასაქმებული.
რაც შეეხება ტურნირს:
ტურნირში I ადგილი დაიკავა შინაგან საქმეთა სამინისტროს სასაზღვრო პოლიციის თანამშრომელმა - ზურაბ თურქაძემ.
II ადგილზე გავიდა თბილისის პოლიციის დეპარტამენტის თანამშრომელი - ნონა დათუაშვილი.
ხოლო III ადგილი დაიკავა შინაგან საქმეთა სამინისტროს ცენტრალური კრიმინალური პოლიციის დეპარტამენტის თანამშრომელმა - თორნიკე გაბუნიამ.
ტურნირში საპრიზო ადგილებზე გასულ მონაწილეებს, სხვადასხვა სამახსოვრო საჩუქართან ერთად, ფულადი ჯილდოც გადაეცათ. შიდა ტურნირი მიზნად ისახავს სამინისტროს სისტემაში ჭადრაკის, როგორც სპორტის სახეობის პოპულარიზაციას.
