ჩინეთის 19 - მილიონიან ქალაქს ტორნადო დაატყდა თავს - არის მსხვერპლი, დაკარგულებს ამ დრომდე ეძებენ
ჩინეთში, 19-მილიონიან ქალაქ გუანჯოუში, 27 აპრილს ტორნადომ სულ ცოტა ხუთი ადამიანის სიცოცხლე იმსხვერპლა. სახელმწიფო მედიის ცნობით, დაშავებულთა რიცხვი 35-მდე აღწევს. გავრცელებული ინფორმაციით, დაკარგული ადამიანების სამძებრო სამუშაოები ჯერ ისევ გრძელდება.
- გუანჯოუ გუანგდონგის პროვინციის დედაქალაქია და ჰონგ-კონგიდან 130 კმ-ის მოშორებით მდებარეობს.
ჩინეთის ხელისუფლება აცხადებს, რომ ძლიერი ქარიშხლის გამო 141 ქარხანა დაზიანდა.
- Xinhua-ს საინფორმაციო სააგენტოს ცნობით, გუანჯოუში მესამე დონის ტორნადო დაფიქსირდა, რაც 2 დონით ჩამორჩება მაქსიმალურს.
სამხრეთ ჩინეთში ქარბორბალა მრავალდღიან ძლიერ წვიმას მოჰყვა, რომელმაც მთელი რეგიონი მოიცვა, გამოიწვია მომაკვდინებელი წყალდიდობები და ათობით მილიონი ადამიანის სიცოცხლეს საფრთხე შეუქმნა. მედიის ცნობით, მაშველები ჯერ კიდევ ცდილობენ მომატებული წყლის დონის გამო რეგიონში ჩარჩენილი მოსახლეობის ევაკუაციას.
ტორნადოები ჩინეთისთვის არც ისეთ იშვიათობას წარმოადგენს. 2015 წელს გამოქვეყნებული ანგარიშის მიხედვით, აქ წელიწადში საშუალოდ 100-მდე ტორნადო ფიქსირდება. 1961-2011 წლებში ქვეყანაში დაფიქსირებულმა ქარბორბალებმა 1772 ადამიანის სიცოცხლე იმსხვერპლა.
ჩინეთის მეტეოროლოგიური სააგენტოს თქმით, ძლიერი წვიმა და ქარიშხალი, სავარაუდოდ, თვის ბოლომდე გაგრძელდება.
იხილეთ ასევე:
წყარო: cnn
მოამზადა: ანა სიბოშვილმა