"კახა კალაძე 7 ნოემბრის შემდეგ მიხეილ სააკაშვილის გვერდით იდგა... ფაქტია ის, რომ ბიძინა ივანიშვილიც სააკაშვილის უკან იდგა 7 ნოემბრის მერე" - აქუბარდია

ბატონო ანრი, ფაქტია ის, რომ კახა კალაძე 7 ნოემბრის შემდეგ მიხეილ სააკაშვილის გვერდით იდგა და "ნაციონალურ მოძრაობას" მხარს უჭერდა. ფაქტია ის, რომ ბიძინა ივანიშვილი მიხეილ სააკაშვილის უკან 7 ნოემბრის მერე იდგა, - ასე მიმართა ოპოზიციონერმა დეპუტატმა, თეონა აქუბარდიამ "ქართული ოცნების" დეპუტატს, ანრი ოხანაშვილს პლენარულ სხდომაზე, სადაც "უცხოური გავლენის გამჭვირვალობის შესახებ" კანონპროექტის განხილვა მიმდინარეობს.

აქუბარდიამ ოხანაშვილს მოუწოდა, რომ დეპუტატების მიერ დასმულ ყველა შეკითხვას უპასუხოს.

"ბატონო ანრი, ფაქტია ის, რომ კახა კალაძე 7 ნოემბრის შემდეგ მიხეილ სააკაშვილის გვერდით იდგა და „ნაციონალურ მოძრაობას“ მხარს უჭერდა. ფაქტია ის, რომ ბიძინა ივანიშვილი იდგა მიხეილ სააკაშვილის უკან 7 ნოემბრის მერე და ფაქტია ის, რომ უამრავი თქვენი დეპუტატი მიხეილ სააკაშვილის დროს „ნაციონალური მოძრაობის“ შტაბის ხელმძღვანელები იყვნენ. სირცხვილია და უნდა დაამთავრეთ ეს ამბავი. აი, აქ, ამ დარბაზში, მარტო „ნაციონალური მოძრაობა“ არ ზის, უმეტესობა სწორედ, იმ „ნაციონალური მოძრაობის“ წევრი იყო. ის კაცი (მურუსიძე), რომელიც ირაკლი ღარიბაშვილმა მსხვერპლად გამოაცხადა, რომელიც არის სანდრო გირგვლიანის საქმის მთავარი მოსამართლე, ის {მურუსიძე} რომ დაიცვათ, მათ შორის, მაგის გამო ეს კანონი შემოგაქვთ“, - განაცხადა აქუბარდიამ.

ნახეთ ასევე:

• რა ხდება პარლამენტის პლენარულ სხდომაზე, სადაც ე.წ. აგენტების კანონპროექტს მეორე მოსმენით განიხილავენ?