"მზად ვარ კონსულტაცია უფასოდ გაგიწიოთ!" - ზაზა თელია აქციაზე დაშავებულებს მიმართავს
ცნობილი დერმატოლოგი ზაზა თელია, წუხელ აქციაზე დაშავებულებს კონსულტაციის უფასოდ გაწევას სთავაზობს.
"ძვირფასო მეგობრებო, მზად ვარ აქციაზე მიღებული ნებისმიერი კანის, კანქვეშა ქსოვილების და ლორწოვანის დაზიანების მკურნალობასთან დაკავშირებული კონსულტაცია უფასოდ გაგიწიოთ!" - წერს ზაზა თელია.
გუშინ, რუსთაველის გამზირზე, სადაც ხალხი "უცხოური გავლენის გამჭვირვალობის შესახებ“ კანონპროექტს აპროტესტებდა, სპეცრაზმმა რეზინის ტყვიები ისროლა და მხუთავი აირი გაუშვა.
შედეგად, დაშავდა ათეულობით ადამიანი.