რუსეთში გაასამართლეს აფრიკელი სტუდენტი, რომელმაც მარადიულ ცეცხლთან "ტვერკი" იცეკვა
რუსეთში, ხანტი-მანსის ავტონომიურ ოლქში აფრიკელი სტუდენტი ტიონგე ზიბა ცეკვის გამო გაასამართლეს. ქალს ერთწლიანი პირობითი პატიმრობა მიუსაჯეს, რადგან მარადიულ ცეცხლთან ტვერკი იცეკვა.
- ზიბას ბრალი წაუყენეს სისხლის სამართლის კოდექსის 354.1 (ნაციზმის რეაბილიტაცია რუსეთის სამხედრო დიდების სიმბოლოების შეურაცხყოფის გზით და ინტერნეტში სამშობლოს დამცველების ხსოვნის შეურაცხყოფა). შემთხვევა 2022 წლის აპრილში მოხდა, როდესაც სტუდენტმა ვიდეო სოციალურ ქსელ Instagram-ზე გამოაქვეყნა, სადაც მარადიულ ცეცხლთან ცეკვავდა, თუმცა ის 2023 წლის ნოემბერში დააკავეს.
"ტვერკი" ცეკვის ნაირსახეობაა, რომელიც კოტ დ'ივუარის ველური ჯუნგლებიდან მოდის და თანამედროვე პოპ/რეპ და ზოგადად, მეინსტრიმ კულტურის განუყოფელ ნაწილად იქცა. "ტვერკი" ძალიან პოპულარულია ფერადკანიანი მომღერლების კლიპებში. ცეკვის მოძრაობებში აქტიურად გამოიყენება თეძოები და დუნდულები. როგორც წესი, ის ითვლება სექსუალურ ცეკვად.
ზიბამ დანაშაული არ აღიარა, მაგრამ ბოდიში მოიხადა თავისი საქციელის გამო. გოგონას ასევე აეკრძალა ერთი წლის განმავლობაში ინტერნეტით სარგებლობა.
რუსული მედიის ცნობით, სტუდენტი რუსეთში ზამბიიდან ჩავიდა სასწავლებლად. გოგონას თქმით, არ იცოდა მარადიული ცეცხლისა და სამხედრო დიდების სიმბოლოების შესახებ. არც უფიქრია, რომ ცეკვის გამო შეიძლება ვინმეს შეურაცხყოფილად ეგრძნო თავი.
ვიდეო, რომელიც ზიბამ სოციალურ ქსელში გამოაქვეყნა, ეწერა: "მიცვალებულებისთვის უკანალს ვათამაშებ. დარწმუნებული ვარ, მათ დღეს კარგად სძინავთ".