"20 ათასი ადამიანიც ვერ იქნება" - მამუკა მდინარაძე ევროპის მოედანზე შეკრებილ აქტივისტებზე

საპარლამენტო უმრავლესობის ლიდერი მამუკა მდინარაძე მიიჩნევს, რომ ევროპის მოედანზე 20 ათასი ადამიანიც ვერ იქნება შეკრებილი.

მისი თქმით, იმ სიმჭიდროვის გათვალისწინებით, რაც ევროპის მოედანზეა, ადგილზე დაახლოებით 14-დან 17 ათას ადამიანამდე ადამიანი შეიკრიბებოდა.

"ავხსნი ახლა, ძალიან დიდი ჭყლეტა, როცა არის 4 ადამიანი ეტევა კვადრატულზე მეტრზე. ანუ ჭყლეტა რომ იყოს მანდ 100 ათასი ადამიანი რომ იყოს, მინიმუმ 25 ათას კვადრატულ მეტრზე უნდა იდგნენ ადამიანები.

ახლა რასაც ვუყურებ, მაქსიმუმ 5-6-7 ათასი კვადრატული მეტრი ჰქონდეთ ათვისებული, საშუალო სიმჭიდროვის შემთხვევაში აი, რომ მოგინდეს და გაბერო ადამიანების რაოდენობა, 20 ათასამდე ადიხარ. მაგრამ რასაც ვუყურებ, ამხელა სიმჭიდროვეც არ არის.

დაახლოებით 12-14-17 ათასი, ამას ზუსტად ვერ დათვლი, ეს კიდევ შეიძლება... საბოლოო ფოტო რომ იქნება, შეიძლება დათვალო, მაგრამ 20 ათასი ადამიანიც ვერაფრით ვერ იქნება იმ სიმჭიდროვისა და ტერიტორიის გათვალისწინებით, რაც იქ არის" - აღნიშნა მდინარაძემ.

ნახეთ ასევე:

• "თავისუფალ საქართველოს გაუმარჯოს" - რა ხდება ახლა "ევროპის მოედანზე", სადაც მასშტაბური მსვლელობის მონაწილეები შეიკრიბნენ (ფოტოები)