ამალ კლუნიმ "სილა გააწნა" ნეთანიაჰუსა და "ჰამასის" ლიდერს - რა როლი ითამაშა ჯორჯ კლუნის მეუღლემ ჰააგის სასამართლოს გადაწყვეტილებაში?
ლიბანური წარმოშობის ცნობილი იურისტმა, ჯორჯ კლუკნის მეუღლემ ამალ კლუნიმ მნიშვნელოვანი როლი ითამაშა სისხლის სამართლის საერთაშორისო სასამართლოს გადაწყვეტილებაში, რომელიც ისრაელის პრემიერ-მინისტრის ბენიამინ ნეთანიაჰუსა და "ჰამასის" ლიდერის იაჰია სინვარის დაპატიმრების ორდერის გაცემას ეხებოდა. კლუნი, ადამიანის უფლებათა ცნობილი ადვოკატი, დასახელდა იმ იურიდიულ ექსპერტს შორის, რომლებიც პროკურორ კარიმ ხანს გადაწყვეტილების მიღებაში დაეხმარნენ.
- "როგორც ადამიანის უფლებათა ადვოკატი, არასოდეს მივესალმები იმ ფაქტს, რომ ერთი ბავშვის სიცოცხლეს სხვაზე ნაკლები ღირებულება აქვს. არც ერთი დამნაშავე არ უნდა იდგეს კანონზე მაღლა" - დაწერა კლუნიმ თავის სოციალურ ქსელში.
ისრაელ-პალესტინის კონფლიქტის დაწყების დღიდან, კლუნი არაერთხელ გააკრიტიკეს იმის გამო, რომ ღაზაში მიმდინარე დაპირისპირებასთან დაკავშირებით თავისი პოზიცია არ დაუფიქსირებია. ისრაელმა და მისმა მოკავშირეებმა უკვე გამოთქვეს უკმაყოფილება ICC-ის გადაწყვეტილების გამო.
"ამ სასტიკ ტერორისტებსა და ისრაელის დემოკრატიულად არჩეულ მთავრობას შორის პარალელების გავლების მცდელობა, აღმაშფოთებელია. არ შეიძლება ამას ვინმემ მხარი დაუჭიროს" - თქვა ბეზალელ სმოტრიჩმა, ულტრამემარჯვენე პოლიტიკოსმა.
ინფორმაციას ჰამასიც გამოეხმაურა:
"ჰამასი" კატეგორიულად გმობს სისხლის სამართლის საერთაშორისო სასამართლოს პროკურორის მცდელობებს, გააიგივოს მსხვერპლი და ჯალათი“, - აღნიშნულია ტერორისტული დაჯგუფების განცხადებაში.
შეგახსენებთ, სისხლის სამართლის საერთაშორისო სასამართლოს პროკურორმა კარიმ ხანმა ცოტა ხნის წინ განაცხადა, რომ ისრაელის პრემიერ-მინისტრის, თავდაცვის მინისტრის და „ჰამასის“ სამი ლიდერის დაპატიმრების ორდერი მოითხოვა. მისი განმარტებით, აქვს გონივრული საფუძველი იმის დასაჯერებლად, რომ აღნიშნულ პირებს სავარაუდო ომის და კაცობრიობის წინააღმდეგ ჩადენილი დანაშაულებისთვის სისხლისსამართლებრივი პასუხისმგებლობა ეკისრებათ.
წყარო: dailymail
წაიკითხეთ ასევე: