"უკრაინის დაზვერვა პირდაპირ კავშირშია "კროკუს სითი ჰოლზე“ თავდასხმასთან... დადგინდა, რომ" - რას აცხადებს "ეფესბეს" ხელმძღვანელი და როგორ დაიგეგმა თავდასხმა რუსული გამოძიების ვერსიით?
"უკრაინის თავდაცვის სამინისტროს მთავარი სადაზვერვო სამმართველო პირდაპირ კავშირშია "კროკუს სითი ჰოლში“ მომხდარ ტერაქტთან", - ამის შესახებ რუსეთის უშიშროების ფედერალური სამსახურის დირექტორმა, ალექსანდრე ბორტნიკოვმა ბიშკეკში, დსთ-ს ქვეყნების უსაფრთხოებისა და სპეციალური სამსახურების უწყებების ხელმძღვანელთა საბჭოს სხდომაზე განაცხადა.
- "გამოძიება გრძელდება, მაგრამ უკვე შეგვიძლია დარწმუნებით ვთქვათ, რომ უკრაინის სამხედრო დაზვერვა პირდაპირ კავშირშია ამ თავდასხმასთან. მინდა დაგარწმუნოთ, რომ დანაშაულის ყველა გარემოება დადგინდება და ყველა მონაწილე დაისჯება“, - აღნიშნა ბორტნიკოვმა.
მისივე თქმით, "კროკუს სითი ჰოლში" მომხდარ თავდასხმის საქმეზე 20 მეტი ადამიანია დაკავებული.
"ამჟამად ვადგენთ ამ სისასტიკეში მონაწილე პირთა მთელ წრეს. უკვე დაკავებულია 20-ზე მეტი ადამიანი, მათ შორის უშუალო დამნაშავეები და დამხმარეები“, - ამბობს ბორტნიკოვი, მისივე თქმით, გამოძიებაში დაეხმარნენ კოლეგები ყაზახეთიდან, ყირგიზეთიდან, ტაჯიკეთიდან და უზბეკეთიდან.
"დადგინდა, რომ დანაშაულისთვის მზადება, ასევე დაფინანსება, თავდასხმა და ტერორისტების გამგზავრება რუსეთში კოორდინირებული იყო ინტერნეტით ისლამური სახელმწიფოს ფილიალის "ხორასანის" მიერ, ავღანეთიდან და პაკისტანიდან. თავდასხმის ოთხი შემსრულებლიდან ორი რუსეთში თურქეთიდან ტერორისტულ აქტამდე ჩავიდა“, - აღნიშნა მან.
- ბორტნიკოვი ჰყვება, რომ დანაშაულის ჩადენის შემდეგ ტერორისტებს მიეცათ მკაფიო ინსტრუქციები, რომ უკრაინის საზღვართან მისულიყვნენ, სადაც მათთვის "ფანჯარა" იყო მომზადებული.
ცნობისთვის, ქალაქ კრასნოგორსკში, ქალაქ კრასნოგორსკში, Crocus City Hall-ის საკონცერტო მოედანზე ტერორისტული თავდასხმა 22 მარტის საღამოს განხორციელდა. ბოლო მონაცემებით, ტერაქტს სულ მცირე 144 ადამიანის სიცოცხლე ემსხვერპლა. დაშავდა 551 ადამიანი.
შეგახსენებთ, მოსკოვის ოლქში მდებარე საკონცერტო დარბაზ "კროკუს სითი ჰოლზე“ თავდასხმა 22 მარტს განხორციელდა. ბოლო მონაცემებით, თავდასხმას 140-ზე მეტი ადამიანი ემსხვერპლა.
ნახეთ ასევე: