ქეით მიდლტონი საზოგადოებაში წლის ბოლომდე არ გამოჩნდება - რატომ მიიღო პრინცესამ "გაუჩინარების" გადაწყვეტილება: რა ხდება სამეფო ოჯახში

უახლესი ინფორმაციით, ქეით მიდლტონი საზოგადოებაში წლის ბოლომდე აღარ გამოჩნდება, რათა ყველანაირ სტრესს თავი აარიდოს და სიმსივნეზე მკურნალობა განაგრძოს.

წყარო, რომელიც პრინც უილიამსა და მის მეუღლეს ემეგობრება Daily Beast Friday-ს ესაუბრა: "როგორც ვიცი, ქეითს მთელი წლის განმავლობაში არაფერი აქვს დაგეგმილი. შესაძლოა, წლის ბოლომდე ის პუბლიკის წინაშე აღარც კი გამოჩნდეს",- ასკვნის სამეფო ოჯახთან დაახლოებული პირი.

პრინცი უილიამის და ქეითის მეგობარი გამოცემას უცხადებს, რომ მიდლტონი პრიორიტეტს ამჯერად თავის ფსიქიკურ ჯანმრთელობას ანიჭებს: "ახლა მისთვის მთავარია თავიდან აიცილოს ნებისმიერი სახის სტრესი და შფოთვა და უბრალოდ, მკურნალობას მიჰყვეს".

გავრცელებული ინფორმაციით, მიდლტონი ახლა დროს შვილებსა და ნათესავებთან ერთად ნორფოლკში ატარებს.

მომავალმა დედოფალმა საზოგადოებას უკანასკნელად ვიდეოთი 22 მარტს მიმართა, რომელშიც ის გამოტყდა, რომ სიმსივნე აქვს და ქიმიოთერაპიას გადის. მიდლტონს სიმსივნის სახეობა არ დაუსახელებია, თუმცა განაცხადა, რომ ის ჯერ კიდევ საწყის სტადიაზე აღმოაჩინეს და მკურნალობა შესაძლებელი იყო.

წყარო: pagesix

მოამზადა: ანა სიბოშვილმა