ანჯელინასა და ბრედის შვილი, შაილო უარს ამბობს მამის გვარზე - გოგონამ სასამართლოს მიმართა: რას წერს მედია მამა-შვილის ურთიერთობაზე?

ანჯელინა ჯოლისა და ბრეტ პიტის ქალიშვილმა, შაილომ მამის გვარზე უარი განაცხადა. შაილომ, რომელიც ახლახან 18 წლის გახდა, სასამართლოს მიმართა და ოფიციალურად მოითხოვა, რომ მხოლოდ დედის გვარზე იყოს. შაილო აქამდე ორივე მშობლის გვარს ატარებდა.

მანამდე ცნობილი გახდა, რომ მამის გვარზე უარი თქვეს ზაჰარამ და პაქსმაც. ორივე მათგანი მხოლოდ დედის გვარს ატარებს.

• როგორც ცნობილია, მამასთან ყველაზე კარგი ურთიერთობა შაილოს ჰქონდა. გასულ თვეში მედიაში იმასაც წერდნენ, რომ გოგონა ბრედთან და მის ახალ პარტნიორთან ერთად აპირებდა საცხოვრებლად გადასვლას.

ერთ დროს ჰოლივუდის ყველაზე ლამაზ წყვილად მიჩნეული ანჯელინა ჯოლისა და ბრედ პიტის ურთიერთობა ბოლო წლებია ურთულესია. ყოფილი ცოლ-ქმარი ერთმანეთს სხვადასხვა საკითხზე სასამართლოში ედავება.

მათი რომანი 2005 წელს დაიწყო. წყვილი 2014 წელს დაქორწინდა. მოგვიანებით, ანჯელინამ განქორწინება მოითხოვა - მან ბრედი ბავშვებზე ძალადობაში დაადანაშაულა. მსახიობები ოფიციალურად 2019 წელს დაშორდნენ.

ნახეთ ასევე:

• ცნობილი ადამიანები და მათი შვილები ერთსა და იმავე ასაკში - ფოტოები, რომლებიც გენეტიკის ძალას გაჩვენებთ