მოხუცთა თავშესაფარში მცხოვრები ქალი, რომელიც გარდაცვლილად გამოაცხადეს, ცოცხალი აღმოჩნდა - "ეს ძალიან უჩვეულო შემთხვევაა"

მოხუცთა თავშესაფარში მცხოვრები ქალი, რომელიც გარდაცვლილი ეგონათ, ცოცხალი აღმოჩნდა.

ნებრასკას შტატის ერთ-ერთი სარიტუალო სახლის თანამშრომლებმა შემთხვევით აღმოაჩინეს, რომ ქალი, რომელიც გარდაცვლილი ეგონათ, ჯერ კიდევ სუნთქავდა.

პრესის ინფორმაციით, მოხუცთა თავშესაფარში მცხოვრები ქალბატონი ბოლო პერიოდში ავადმყოფობდა.

ABC-ის ცნობით, 74 წლის კონსტანს გლანცი ლინკოლნის მოხუცთა თავშესაფარში ორშაბათს დილით გარდაცვლილად გამოაცხადეს, რის შემდეგაც ის Butherus-Maser & Love-ის დაკრძალვის ბიუროში გადაიყვანეს.

• იმ დროს, როდესაც ბიუროს თანამშრომელი ქალს ბალზამირებას უტარებდა, შენიშნა, რომ ის ჯერ კიდევ სუნთქავდა. თანამშრომლებმა მაშინვე ხელოვნური სუნთქვის ჩატარება სცადეს და სასწრაფო დახმარება გამოიძახეს.

გლანცი ახლომდებარე საავადმყოფოში გადაიყვანეს, სადაც ის მკურნალობას განაგრძობს და ჯერ კიდევ ცოცხალია, ინფორმაციას ლანკლასტერის ოლქის შერიფის ოფისი ავრცელებს. "ეს ძალიან უჩვეულო შემთხვევაა",- განაცხადა ლანკასტერის ოლქის უფროსის მოადგილემ. "31 წელია აქ ვმუშაობ და მსგავსი არაფერი მომხდარა", - დასძინა მან.

ოლქის ინფორმაციით, მოხუცთა თავშესაფრის მხრიდან რაიმე დანაშაულებრივი განზრახვა არ იკვეთება, თუმცა გამოძიება კვლავ მიმდინარეობს.

წყარო: abcnews

მოამზადა: ანა სიბოშვილმა