"ნერვიულობს, რომ შაილომ მისი გვარის ტარებაზე უარი თქვა, ბრედს უყვარს შვილები და ენატრება ისინი" - ჰოლივუდის ვარსკვლავის ოჯახური დრამის დეტალები
მას შემდეგ, რაც ანჯელინა ჯოლისა და ბრედ პიტის 18 წლის ქალიშვილმა შაილომ მამის გვარზე უარი თქვა, ბრედი განაწყენებულია. პიტთან დაახლოებული წყარო გამოცემა People-ს ესაუბრა და თქვა, რომ ამ ამბის გამო ჰოლივუდის ვარსკვლავი შვილზე ძალიან არის ნაწყენი.
"იცის და იმაზე ნერვიულობს, რომ შაილომ მისი გვარის ტარებაზე უარი თქვა. არასდროს უგრძნია იმაზე მეტი სიხარული, როცა იმ მომენტში, როცა შაილო გაჩნდა. ბრედს ყოველთვის სურდა, ქალიშვილი ჰყოლოდა. შვილები მასთან აღარ არიან, რა თქმა უნდა მისთვის არაა ადვილი. ბრედს უყვარს და ენატრება შვილები. ეს ყველაფერი ძალიან სამწუხაროა",- ამბობს წყარო.
მისივე თქმით, ბრედს ახლა ინეს დე რამონთან ურთიერთობაღა ახარებს: "ის ბედნიერია ინესთან, მაგრამ შვილებთან სიშორე ტკივილს აყენებს. ეს პროცესი მთელი ოჯახისთვის ძალიან მძიმე იყო",- ამბობს მსახიობთან დაახლოებული პირი.
შაილომ გვარის შეცვლაზე განაცხადი წინა კვირას, 27 მაისს შეიტანა, იმავე დღეს, როცა 18 წელი შეუსრულდა. მას სურს, რომ მხოლოდ დედის გვარი ჰქონდეს.
48 წლის ანჯელინას და 60 წლის პიტს 6 შვილი ჰყავთ, შაილო ერთადერთი არაა ჯოლი-პიტის შვილებიდან, ვინც მამის გვარზე უარს ამბობს.წყვილის თინეიჯერი შვილი, ვივიენიც "ჯოლი-პიტის" ნაცვლად, თავს "ჯოლიდ" მოიხსენიებს. ამ დროისთვის ჯერ კიდევ უცნობია, კანონიერადაც შეიცვალა თუ არა ვივიენმა გვარი. გავრცელებული ინფორმაციით, მამის გვარს მათი მესამე გოგონა, ზაჰარაც პროტესტს უცხადებს. გასულ ნოემბერს კოლეჯში თავის წარდგენისას წყვილის უფროსმა ქალიშვილმა საკუთარი თავი "ზაჰარა მარლი ჯოლიდ" გამოაცხადა.
ანჯელინა ჯოლი და ბრედ პიტი 2014 წელს დაქორწინდნენ. მოგვიანებით ანჯელინამ მასთან განქორწინება მოითხოვა და ბრედი ბავშვებზე ძალადობაში დაადანაშაულა. მსახიობები ოფიციალურად 2019 წელს დაშორდნენ.
წყარო: people
მოამზადა: ანა სიბოშვილმა