მსოფლიოში ერთ-ერთი ყველზე აქტიური ვულკანის ამოფრქვევამდე 250 მიწისძვრა დაფიქსირდა - კადრები ჰავაიდან
ჰავაიზე მსოფლიოში ერთ-ერთი ყველზე აქტიური ვულკანი, კილაუეა ამოიფრქვა. სამოქალაქო თავდაცვის ოფიციალურ წარმომადგენლები მოსახლეობას სიფრთხილისკენ მოუწოდებენ. ვულკანიდან წამოსული კვამლი საფრთხე უქმნის მაცხოვრებლებისა და ვიზიტორების ჯანმრთელობას, აზიანებს მცენარეებს და გავლენას ახდენს პირუტყვზე.
- ამოფრქვევის დაწყებამდე ობსერვატორიამ დაახლოებით 250 მიწისძვრა დააფიქსირა. ჰავაის მერის, მიჩ როტის განცხადებით, მოსახლეობა ამას უკვე მიჩვეულია და ვულკანი მათთვის საფრთხეს არ წარმოადგენს.
კილაუეა ჰავაის სამხრეთ-აღმოსავლეთ ნაწილში მდებარეობს. მისი სიმაღლე 1247 მეტრია. იგი დედამიწის ერთ-ერთი ყველაზე აქტიურ ვულკანად ითვლება. ინტენსიური აქტივობის ფაზაში შევიდა 2011 წლის 6 მარტს.
მისი ტერიტორიის დიდი ნაწილი შედის ჰავაის ვულკანების ეროვნული პარკის შემადგენლობაში. აღსანიშნავია ვულკანური კრატერები: ჰალემაუმაუ და კილაუეა-იკი. 1965 წელს ლავურ ტბასთან ერთად შეიქმნა კრატერი მაკაპაჰი. კალდერის ირგვლივ კონცენტრულად არის განლაგებული რგოლისებრი ჰორსტები და გრაბენები.
უკანასკნელი მნიშვნელოვანი ამოფრქვევები მოხდა 1952, 1954 და 1955 წლებში. ლავური ქერქის ნაპრალებიდან იჭრება ძირითადი შედგენილობის თხევადი ლავის შადრევნები.