"ამ ყველაფერში რაიმე "პოზიტიური" თუ უნდა დავინახოთ, ის არის, რომ ოპოზიციას 2 დღით გაუხანგრძლივდა პოლიტიკური სიცოცხლე" - წილოსანი სანქციებზე

უმრავლესობის დეპუტატი ნინო წილოსანი აშშ-ის სახელმწიფო დეპარტამენტის მიერ ქართველი ოფიციალური პირებისა და მათი ოჯახის წევრებისთვის სავიზო შეზღუდვების დაწესებას სოციალურ ქსელში ეხმაურება:

"სანქციებთან დაკავშირებით ერთხელ უკვე გამოვხატე ჩემი პოზიცია და აზრი ნამდვილად არ შემიცვლია თუმცა, ამ ყველაფერში რაიმე "პოზიტიური" თუ უნდა დავინახოთ, ის არის, რომ ოპოზიციას 2 დღით გაუხანგრძლივდა პოლიტიკური სიცოცხლე, ხოლო ვის და რატომ ჭირდება ქართველი ხალხის მიერ უარყოფილი ოპოზიციის გაცოცხლება, ამ კითხვაზე პასუხი, მგონი, უკრაინის ომის შემდეგ ნათელი გახდა..

მეამაყება რომ ვემსახურები ჩემს ქვეყანას!" - წერს წილოსანი.

შეგახსენებთ, აშშ-ის სახელმწიფო დეპარტამენტმა სავიზო შეზღუდვების პირველი ტრანში გამოაცხადა, რომელიც “ქართული ოცნების” წევრებს, პარლამენტის წევრებს, სამართალდამცავებს და კერძო პირებს მოიცავს.

წაიკითხეთ ასევე:

• აშშ-ის სახელმწიფო დეპარტამენტის სპიკერი მეთიუ მილერი აცხადებს, რომ აშშ-მა საქართველოს ათობით მოქალაქეს და მათი ოჯახის წევრებს სავიზო აკრძალვები დაუწესა - ვინ მოხვდნენ აკრძალვების პირველ ტრანშში?