5 რამ, რაც მხოლოდ სპორტფესტზე შეგიძლია გააკეთო
15-16 ივნისს, ექსპო ჯორჯიას საგამოფენო სივრცე სპორტული ფესტივალის „სპორტფესტის“ ფარგლებში გიმასპინძლებთ. მასზე არაერთი სპორტული დისციპლინა იქნება წარმოდგენილი.
5 რამ, რაც მხოლოდ სპორტფესტზე შეგიძლია გააკეთო:
1. აღმოაჩინო შენთვის ახალი სპორტის სახეობა
სპორტფესტის ერთერთი ყველაზე საინტერესო შემადგენელი ნაწილია ახალი სპორტის აღმოჩენა. ფესტივალზე 40-ზე მეტი სპორტის სახეობა დაგხვდება: კალათბურთი, გოჯუ-რიუ, რაგბი, ტექ.ბოლი, მთის სპორტები, ფარიკაობა, გოლფი, ფრენბურთი, ჯიუ-ჯიცუ და სხვა. ყველა სივრცე ინტერაქტიულია, რაც ნიშნავს რომ შეგიძლია ცადო ნებისმიერი სპორტის სახეობა.
2. შეეჯიბრო ქართველ მოქმედ და ვეტერან სპორტსმენებს
ფესტივალს ქართული სპორტის უამრავი ვარსკვლავი სტუმრობს. ფესტივალზე შეგიძლია შეხვდე სპორტსმენებს, მოისმინო მათი გამოცდილებ, გამორთვა ავტოგრაფი ან მათთან ერთად შეჯიბრებში მიიღო მონაწილეობა.
3. შეხვდე BMX flatland-ის სამგზის მსოფლიო ჩემპიონს - ვიკი გომესს.
16 ივნისს, Red Bull-ის მხარდაჭერით "სპორტფესტს" ეწვევა ურბანული სპორტის ვარსკვლავი, ხორხე «ვიკი» გომესი. ფესტივალზე მოსულ სტუმრებს შესაძლებლობა ექნებათ, პირადად შეხვდნენ ესპანელ ათლეტს, დაესწრნონ მის შოუს და აღმოაჩინონ სპორტის ახალი და განსხვავებული სახეობა.
4. ერთ დღეში მონაწილეობა მიიღო რამდენიმე სპორტულ შეჯიბრში
ფესტივალზე ორივე დღეს დატვირთული განრიგია. ტერიტორიიდან გაუსვლელად შეგიძლია ჩაერთო უამრავ შეჯიბრში, მიიღო ახალი გამოცდილებები, მოიგო საჩუქრები და გაერთო მეგობრებთან ან ოჯახის წევრებთან ერთად.
5. ჩაერთო ნებისმიერ სპორტულ აქტივობაში უფასოდ
ფესტივალზე დასწრება და ყველა აქტივობაში მონაწილეობა უფასოა. აქტივობები დაიწყება 12:00 საათზე და 20:00 საათამდე გაგრძელდება. 20:00 საათზე კი EURO-24ის გარე სივრცეში თამაშის ტრანსლაცია დაიწყება.
«სპორტფესტის» მიზანია, ერთ სივრცეში შეკრიბოს რაც შეიძლება მეტი სპორტული ორგანიზაცია და დაინტერესებული ადამიანი. გარდა ამისა, სპორტული ცხოვრების სტილი, მიღწევები, ისტორია, ჯანსაღი და აქტიური ცხოვრების წესი წარმოაჩინოს და ჩართოს მასში საზოგადოება.