გერმანიაში, ჰოლანდია-პოლონეთის მატჩის წინ, წერაქვითა და მოლოტოვის კოქტეილით შეიარაღებულს მამაკაცს სამართალდამცავებმა ცეცხლი გაუხსნეს - რა ხდება ცნობილი?
გერმანიაში, ჰამბურგის ცენტრში, წერაქვით შეიარაღებულს მამაკაცს, რომელიც პოლიციას ემუქრებოდა, სამართალდამცავებმა ცეცხლი გაუხსნეს. ის საავადმყოფოშია გადაყვანილი. მედიის ცნობით, ინციდენტი ჰოლანდიის საფეხბურთო ნაკრების მხარდამჭერთა ზონის მახლობლად მოხდა. ბოლო ინფორმაციით, ეჭვმიტანილი მძიმედა არის დაჭრილი.
დღეს ევრო 2024-ის ტურნირზე ნიდერლანდების ნაკრები პოლონეთს უპირისპირდებოდა.
პოლიციის განცხადებაში ნათქვამია, რომ მამაკაცი, თამაშამდე 3 საათით ადრე, ოფიცრებს წერაქვითა და მოლოტოვის კოქტეილით ემუქრებოდა. მოგვიანებით გავრცელებულ კიდევ ერთ განცხადებაში პოლიციის სპიკერი BBC-სთან ამბობს, რომ შეიარაღებულ ეჭვმიტანილს, რომელიც ბენზინის აალებას ცდილობდა, ოფიცრებმა წიწაკის სპრეი შეასხეს და ესროლეს.
<iframe width="656" height="369" src="https://www.youtube.com/embed/VwihV2WQIVs" title="German police shoot 'man with axe and incendiary device' ahead of Euro 2024 game" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>ინციდენტი ადგილობრივი დროით, 12:30 საათზე მოხდა. ინტერნეტში გამოქვეყნებულ ვიდეო კადრებში ჩანს მამაკაცი, რომელიც პოლიციას წერაქვს უქნევს, შემდეგ კი გასროლის ხმები ისმის.
თავდამსხმელი მამაკაცის ვინაობა და ის, თუ რა იყო მისი მოტივი, სამართალდამცავებს არ გაუმხელიათ. მატჩი ადგილობრივი დროით 15: 00 საათზე დაიწყო, რა დროსაც ქალაქში დაახლოებით 30 000 ჰოლანდიელი და ამდენივე პოლონელი გულშემატკივარი იყო ჩასული.
წყარო: bbc
მოამზადა: ანა სიბოშვილმა